„დროა დავასრულოთ იმ საძაგელი სიტემის არსებობა, რომელიც ახალგაზრდებს თვითმკვლელობისკენ უბიძგებს“, - ამის შესახებ „ახალი საქართველოს“ ლიდერმა გიორგი ვაშაძემ დიდუბეში, წმინდა გიორგი სახელობის ტაძართან განაცხადა, სადაც ის 15 წლის მოზარდის, ლუკა სირაძის სამოქალაქო პანაშვიდზე იმყოფებოდა.

მისი თქმით, ქვეყანაში არსებული სისტემის პირობებში პოლიციელიც კი დაუცველია, რასაც ბათუმის ფაქტიც მოწმობს.  

„ძალიან მძიმე დარტყმა მიიღო მთლიანად საზოგადოებამ ამ საშინელი და შემზარავი ტრაგედიის გამო. ვფიქრობ, რომ ბოლო დღეებში კატასტროფა ხდება  ამ ქვეყანაში. დადგა დრო გავერთიანდეთ ერთი რამის გამო, ერთხელ და სამუდამოდ დავასრულოთ იმ საძაგელი სისტემის არსებობა ქვეყანაში, რომელიც ადამიანებს კლავს, ახალგაზრდებს თვითმკვლელობისკენ უბიძგებს და ვერ იცავს ადამიანების უსაფრთხოებას, რომელშიც პოლიციელიც კი დაუცველია და ბათუმის ფაქტი ამას ადასტურებს. ასევე, ძალიან მნიშვნელოვანია ყველა ერთად დავდგეთ და გავერთიანდეთ“, - განაცხადა გიორგი ვაშაძემ.

ცნობისთვის, 15 წლის მოზარდი, რომელმაც რამდენიმე დღის წინ თვითმკვლელობა სცადა, საავადმყოფოში გარდაიცვალა. მოზარდის მიერ თვითმკვლელობის მთავარ მიზეზად გამომძიებლის მხრიდან ფსიქოლოგიური ძალადობა სახელდება. საქმეს ამ დროისთვის სახელმწიფო ინსპექტორის სამსახური იძიებს და გამომძიებელი მარიანა ჩოლოიანი, სსკ-ის 335-ე მუხლის საფუძველზე, რაც ჩვენების მიცემის იძულებას გულისხმობს, დააკავეს.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს