„სრული მხარდაჭერა ჩვენს მამაც პოლიციელებს! იმედი გვაქვს პოლიციის ოფიცერი მალე გამოჯანმრთელდება. დაჭრის ფაქტმა კიდევ ერთხელ დაგვანახა, თუ რაოდენ მნიშვნელოვანი და რისკის შემცველი პროფესიაა პოლიციელობა და თუ რამდენად მნიშვნელოვანია ყოველდღიურად პოლიციელების მუშაობა იმისთვის, რომ ჩვენ ვიცხოვროთ მშვიდ და უსაფრთხო გარემოში",-ასე გამოეხმაურა საქართველოს პარლამენტის თავმჯდომარე ბათუმში, საპატრულო პოლიციელის დაჭრის ფაქტს.

არჩილ თალაკვაძემ დაჭრილ სამართალდამცავს სწრაფი გამოჯანმრთელება უსურვა და პოლიციელების მიმართ სრული მხარდაჭერა კიდევ ერთხელ დაადასტურა.

„მთელი სახელმწიფო, მთელი საზოგადოება ვგულშემატკივრობთ დაჭრილ პოლიციელს. დიდი იმედი გვაქვს, რომ ის მალე გამოჯანმრთელდება.  პოლიციელებს აქვთ ჩვენი სრული მხარდაჭერა. პოლიციელი არის გმირი! ამ დღემ კიდევ ერთხელ დაგვანახა, რომ ყოველდღიურად პოლიციელებს უწევთ რთული მისიის შესრულება. მადლობა მინდა ვუთხრა ექიმებს, ასევე, მეწყვილე პოლიციელს, რომელმაც ძალიან გაბედულად იმოქმედა და შესაძლებელი გახდა დაჭრილის სიცოცხლის გადარჩენა. დაველოდებით ახალ ინფორმაციას შინაგან საქმეთა სამინისტროს და ჯანდაცვის სამინისტროს მხრიდან ",- განაცხადა პარლამენტის თავმჯდომარემ.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს