„დარწმუნებული ვარ, რომ ამ შემთხვევაში ქალბატონ სალომეს ნამდვილად არ უნდოდა ჩვენი ჯარის შეურაცხყოფა“,- ასე ეხმაურება  რეგიონული განვითარებისა და ინფრასტრუქტურის მინისტრი მაია ცქიტიშვილი საქართველოს პრეზიდენტის, სალომე ზურაბიშვილის მიერ გაკეთებულ განცხადებას.

მისი თქმით, სასურველი იყო პრეზიდენტის განცხადებაში არ ყოფილიყო არანაირი ეჭვის საფუძველი, რომელიც მისი ინტერპრეტირების საშუალებას მოგვცემდა.

„რა თქმა უნდა, სასურველია ქალბატონი სალომეს განცხადებაში არ ყოფილიყო არანაირი ეჭვის საფუძველიც კი  იმასთან დაკავშირებით, თუ როგორ შეიძლება მისი განცხადების ინტერპრეტირება. მე დარწმუნებული ვარ იმაში, რომ ქალბატონ სალომეს არ უნდოდა იმის თქმა, რაც თქვა, თუმცა ამასთან ერთად, მინდა ხაზი გავუსვა იმას, რომ ბუნებრივია, ჯარი გვყავს, შესაბამისი იარაღი და აღჭურვილობაც აქვს ამ ჯარს და რა თქმა უნდა, ჩვენს ჯარშიც  მსახურობენ ყველაზე ღირსეული წარმომადგენლები ჩვენი ქვეყნის. იცავენ ჩვენ ქვეყანას და რა თქმა უნდა, მსახურობენ საერთაშორისო მისიებში, რასაც ასევე ძალიან დიდი მნიშვნელობა აქვს. თუმცა ვიცი, რომ ქალბატონმა სალომემ და მისმა ადმინისტრაციამ გააკეთა განმარტება იმ კონტექსტთან დაკავშირებით, რა კონტექსტშიც იყო ნახსენები ქართული ჯარი. დარწმუნებული ვარ, რომ ამ შემთხვევაში ქალბატონ სალომეს ნამდვილად არ უნდოდა ჩვენი ჯარის შეურაცხყოფა“, - განაცხადა მაია ცქიტიშვილმა.

ავტორი: ექსპრესნიუსი,

სოციალური ქსელები

თიბისი უკვე საერთაშორისო ტრანზაქციების განაწილების შესაძლებლობასაც გაძლევთ

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი