„როგორც კი გავიგე ეს ამბავი, ეჭვიც არ შემპარვია, რომ ეს ხელისუფლების მიერ ორგანიზებული იყო“, - ასე ეხმაურება ფრაქცია „ერთიანი ნაციონალური მოძრაობის“ წევრი ნიკა მელია გიგი უგულავასა და გოკა გაბაშვილზე თავდასხმის ფაქტს.

მისი თქმით, ხელისუფლებამ მსგავსი ქმედებები მალხაზ მაჩალიკაშვილზეც განახორციელა და საკუთარ ოპონენტებზე თავდასხმა გასაკვირი არ არის.

„როგორც კი გავიგე ეს ამბავი, ეჭვიც არ შემპარვია, რომ ეს ხელისუფლების მიერ ორგანიზებული იყო და ჩემმა ახლობელმა გამიმყარა ვარაუდი, რომელიც შეესწრო ამ ინციდენტს. მან დამირეკა და მითხრა, რომ ამდენად ხელოვნურად დადგმული სცენა მას არ ენახა. ესენი იყვნენ მიგზავნილი, რა თქმა უნდა, ხელისუფლების მიერ. თუმცა, რა გასაკვირია, შვილმოკლულ მამას, მალხაზ მაჩალიკაშვილს უგზავნიან რუსთაველის გამზირზე ანალოგიურ შემსრულებლებს და ცემა-ტყეპას იქ ტეხენ. თბილისის საერთაშორიოს აეროპორტში ბიძინა ივანიშვილმა იგივე რომ დაავალოს ოპონენტი კოლეგების წინააღმდეგ, საერთოდ არ გამიკვირდება“, - განაცხადა ნიკა მელიამ.

შეგახსენებთ, რომ „ევროპული საქართველოს“ მიერ გავრცელებული ინფორმაციით, პარტიის ლიდერებს, გიგი უგულავასა და გოკა გაბაშვილს თბილისის საერთაშორისო აეროპორტში თავს ორი უცნობი პირი დაესხა. აღნიშნულზე გამოძიება შსს-მ სისხლის სამართლის კოდექსის 126 მუხლით დაიწყო, რაც ძალადობას გულისხმობს.

ავტორი: ექსპრესნიუსი,

სოციალური ქსელები

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი

ზურაბ ცეცხლაძე საზმაუზე: ჩვენს აქციაზე საინფორმაციო გამოშვებაში ერთი წინადადებაც არ თქვეს