„დიმიტრი ხუნდაძე რაღაცას ფაფხურობს. თვითონაც არ იცის ჯერ რა უნდა. ჰგონია, ივანიშვილს ასიამოვნებს“, - ასე გამოეხმაურა „ნაციონალური მოძრაობის“ თავმჯდომარე, რომან გოცირიძე დიმიტრი ხუნდაძის ინიციატივას.

გოცირიძის თქმით, ამ ინიციატივის დარეგისტრირება თავხედობაა.

„დიმიტრი ხუნდაძე რაღაცას ფაფხურობს. თვითონაც არც იცის ჯერ რა უნდა. ჰგონია, რომ ივანიშვილს ასიამოვნებს. ივანიშვილს ჰგონია, რომ ოპოზიციას აშინებს და ეუბნება, რომ შეირგონ, რაცა აქვთ, 30 წლის განმავლობაში მოქმედი შერეული სისტემა, თორემ ამასაც წაართმევს და გადავა წმინდა მაჟორიტარულზე, ამ ფეოდალურ სისტემაზე. ამით ჰგონიათ, რომ ამ საპროტესტო მუხტს ჩააგდებენ და ვირაცას დააშინებენ. ვერ ხვდებიან, რომ პირიქით, უფრო აღიზიანებენ ხალხს. ეს არის თავხედობა, მეტი არაფერი, რასაც აკეთებენ ამ ინიციატივის დარეგისტრირების სახით“, - განაცხადა რომან გოცირიძემ.

შეგახსენებთ, გუშინ, 4 ნოემბერს „ქართული ოცნების“ მაჟორიტარმა დეპუტატმა, დიმიტრი ხუნდაძემ პარლამენტში სრულად მაჟორიტარულ სისტემაზე გადასვლისთვის საინიციატივო ჯგუფი დაარეგისტრირა. მიზანი 2024 წელს არჩევნების სრულად მაჟორიტარული სისტემით ჩატარებაა. საინიციატივო ჯგუფი 10 დეპუტატისგან შედგება.

ავტორი: ექსპრესნიუსი,

სოციალური ქსელები

გელენჯიკში დაღუპულთა რიცხვი ექვსამდე გაიზარდა, რომელთაგან სამი ბავშვია. დაახლოებით 40 ადამიანი დაშავდა

Deutsche Welle-ს ევროკავშირის დაფინანსებით ქართულენოვანი საინფორმაციო სამსახური გახსნა

საიამ სტრასბურგში არჩევნების საქმეზე ოცნების საპასუხო წერილობითი პოზიცია წარადგინა

WSJ: რუსეთის ხელისუფლება სექტემბრის არჩევნების შემდეგ მობილიზაციის საკითხს განიხილავს