ღვინის ეროვნულ სააგენტოში ჟურნალის „Homeland Of Wine" (საქართველო ღვინის სამშობლო) პრეზენტაცია გაიმართა.

„Homeland Of Wine" ქართული ღვინის შესახებ პირველი პერიოდული ჟურნალია, რომლის მიზანია ქართული ღვინის მხარდაჭერა და პოპულარიზაცია საქართველოსა და მის ფარგლებს გარეთ. ჟურნალი გამოვა კვარტალში ერთხელ ქართულ და ინგლისურ ენებზე.

„Homeland Of Wine" მკითხველს მოუთხრობს იმ ადამიანებსა თუ  კომპანიებზე, რომლებიც ქმნიან ქართულ ღვინოს და მის თანამედროვე ისტორიას.  პროექტის ავტორი და მთავარი რედაქტორია მაია ჯავახიშვილი, გამომცემელი მედიაკომპანია „N Line Media" (ენ ლაინ მედია).

პრეზენტაციას ჟურნალის შემოქმედებითი ჯგუფი, ღვინის ეროვნული სააგენტოს და მეღვინეობის სფეროს წარმომადგენლები დაესწრნენ.

 „ღვინის სამშობლოში „ღვინის სამშობლოს" კეთებაც იმისთვის დავიწყეთ, რომ ქართული ღვინო უკეთ იყოს წარმოჩენილი, მხარი დავუჭიროთ მას და მოგიყვეთ ქართული ჯიშების მრავალფეროვნებაზე, გამორჩეულ ღვინოებზე, მცირე მარნებსა თუ ქალ მეღვინეებზე, ახლადგაშენებულ ვენახებსა და აღდგენილ ჯიშებზე, საკითხებზე, რომლებიც გადაჭრას საჭიროებს და რჩევებზე, რომლებსაც გამოცდილი მეღვინეები გვაძლევენ. ჟურნალის ყველა ნომერში, დარგის სპეციალისტებთან და პროფესიონალებთან ერთად, შევეცდებით, მეტი გითხრათ იმ ქვეყნის შესახებ, სადაც ღვინო კულტურის ნაწილი და ცხოვრების წესია" - აღნიშნა ჟურნალის რედაქტორმა მაია ჯავახიშვილმა.

ღვინის ეროვნული სააგენტოს მარკეტინგისა და საზოგადოებასთან ურთიერთობის დეპარტამენტის უფროსის, ირაკლი ჩოლობარგიას განცხადებით, ჟურნალი  „Homeland Of Wine" კიდევ ერთი გზავნილია მთელი მსოფლიოსთვის, რომ ღვინო უძველესი ქართული კულტურის შემადგენელი ნაწილია.

„იმედი მაქვს, რომ  ჟურნალის მეშვეობით უამრავ ადამიანს მიეცემა შესაძლებლობა მიიღოს ინფორმაცია როგორც ქართული ღვინის ისტორიისა და კულტურის შესახებ, ისე მისი თანამედროვე ტენდენციებისა და მიღწევების შესახებ, გაიცნოს ქართველი მეღვინეები და მათი ღვინოები. მჯერა, რომ ამ გზით  მკითხველი კიდევ უფრო შეიყვარებს და დააფასებს ქართულ ღვინოს, ჩვენს ქვეყანას და ჩვენს ხალხს, რომელიც ამ ღვინოს უწყვეტად აწარმოებს უკვე 8 ათასი წელია", - აღნიშნა  ირაკლი ჩოლობარგიამ.

(NS)

ავტორი: ექსპრესნიუსი,

სოციალური ქსელები

ბაზისბანკმა, ქართული ბიზნესის მხარდასაჭერად, BSTDB-ისგან 25 მილიონი ევროს დაფინანსება მიიღო

ვარშავაში ეუთოს კონფერენციაზე საქართველოში გამართული საპროტესტო აქციების დროს ქიმიური ნივთიერებების გამოყენების შესახებ კვლევა წარმოადგინეს

სატვირთო მანქანების სომეხი მძღოლები, რომლებსაც კონიაკი გადაჰქონდათ, დაახლოებით ერთი თვეა ლარსზე იმყოფებიან: რუსული მხარე ექსპერტის შეფასებას ითხოვს

ნიუ-დელიში გამართულ საპროტესტო აქციაზე ოპოზიციის ლიდერები დააკავეს