პროკურატურამ მოქალაქეთათვის ქონების იძულებით ჩარმოთმევის მორიგ ხუთ ფაქტზე დაასრულა გამოძიება, რის შემდეგაც შესაძლებელი გახდა ხუთი დაზარალებულის დარღვეული უფლებების აღდგენა, - ამის შესახებ პროკურატურის განცხადებაშია აღნიშნული.

უწყების ინფორმაციით, დაზარალებულ გივი თოდაძეს გადაეცა „რენჯ როვერი“-ს და „კრაისლერი“-ს მარკის ავტომობილები; დაზარალებულ გიორგი რეხვიაშვილს  გადაეცა “მერსედეს-ბენც ML 350” და “ჰიუნდაი სონატა”-ს მარკის ავტო მანქანები, ხოლო შმაგი რატიანს და პარსამ ზალინიანს გადაეცათ „ფოლკსვაგენ პასატის“ ფირმის ორი ავტო მანქანა.

„რამდენადაც საზოგადოებისთვის ცნობილია,  პროკურატურამ მოქალაქეთათვის ქონების იძულებით ჩარმოთმევის მორიგ ხუთ ფაქტზე დაასრულა გამოძიება, რის შემდეგაც შესაძლებელი გახდა ხუთი დაზარალებულის დარღვეული უფლებების აღდგენა. დღეს, პროკურატურის შემაჯამებელი გადაწყვეტილების საფუძველზე, ეკონომიკისა და მდგრადი განვითარების სამინისტროს ინიცირებით და მთავრობის განკარგულებით, დაზარალებულ გივი თოდაძეს გადაეცა „რენჯ როვერი“-ს და „კრაისლერი“-ს მარკის ავტომობილები; დაზარალებულ გიორგი რეხვიაშვილს  გადაეცა “მერსედეს-ბენც ML 350” და “ჰიუნდაი სონატა”-ს მარკის ა/მანქანები, ხოლო შმაგი რატიანს და პარსამ ზალინიანს გადაეცათ „ფოლკსვაგენ პასატი“ ფირმის ორი ა/მანქანა. ხსენებული ა/მანაქანები, 2010-2011 წლებში, ცალკეული საჯარო მოხელეების დანაშაულებრივი ქმედების შედეგად, საპროცესო შეთანხმების გაფორმების სანაცვლოდ, იძულებით იქნა მათ მიერ შესყიდული.

  გარდა ამისა, დაზარალებულ ივანე მახარაშვილს, პროკურატურის შემაჯამებელი გადაწყვეტილების საფუძველზე, უძრავი ქონების პრივატიზებასთან დაკავშირებული პროცედურების დასრულების შემდეგ, გადაეცემა სოფელ დიღომში მდებარე 1020 კვ.მ. არასასოფლო-სამეურნეო დანიშნულების მიწის ნაკვეთი, რომელიც დაზარალებულს უკანონოდ დაათმობინეს საპროცესო შეთანხმების გაფორმების სანაცვლოდ.

  პროცესი, რომელიც საქართველოს პროკურატურაში ახლადშექმნილმა სამართალწარმოების პროცესში ჩადენილი დანაშაულის გამოძიების დეპარტამენტმა დაიწყო, რაც უკავშირდება 2012 წლის 01 ოქტომბრამდე, საჯარო მოხეელების მიერ მოქალაქეთათვის ქონების იძულებით ჩამორთმევის, დათმობის, ჩუქების ფაქტების გამოძიებას და დაზარალებულთათვის მიყენებული ზიანის ანაზღაურებით, ქონების დაბრუნებით მათი უფლებების აღდგენას, კვლავ გაგრძელდება და მას ექნება შეუქცევადი ხასიათი“, - ნათქვამია უწყების განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს