ე.წ. დონეცკის სახალხო რესპუბლიკის სეპარატისტები ფრონტის მთელ ხაზზე შეტევაზე არიან გადასულები, - ამის შესახებ უკრაინის თავდაცვის მინისტრმა სტეპან პოლტორაკმა განაცხადა.

მისი თქმით, განსაკუთრებით მძიმე ვითარებაა მარიუპოლის და დონეცკის რაიონში, სადაც სეპარატისტებმა დამატებითი მძიმე ტექნიკა გადაისროლეს.

პოლტორაკის თქმით, მარიუპოლი იბომბება 6 გრადის ტიპის არტილერიული დანადგარიდან, თუმცა უკრაინელმა სამხედროებმა 4-ის განადგურება შეძლეს.

მინისტრის განცხადებით, ფრონტის ხაზსთან რუსული სამხედრო თვითმფრინვები დაფრინავენ და გამორიცხული არაა, რომ უკრაინის არმიის წინააღმდეგ ბრძოლაში რუსული ავიაციაც ჩაერთოს.

პოლტორაკმა მარიუპოლის რაიონში უკრაინის ჯარების დამატებითი ძალების გადასროლის პირობაც დადო.

ცნობისთვის, ე.წ. დონეცკის სახალხო რესპუბლიკის მხრიდან მარიუპოლის დაბომბვა გრძელდება. ბოლო მონაცემებით, არტილერიული იერიშის შედეგად 16 ადამიანი დაიღუპა, 83 კი დაშავდა. მათგან 11-ის მდგომარეობა უკიდურესად მძიმეა. ქალაქის საავადმყოფოები საგანგებო რეჟიმში მუშაობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება