"საქართველოს სტატისტიკის ეროვნული სამსახურის" წინასწარი შეფასებით, 2019 წლის სექტემბერში, ეკონომიკა 5.2%-ით გაიზარდა.

უწყების წინასწარი შეფასებით 2019 წლის სექტემბერში წინა წლის შესაბამის პერიოდთან შედარებით რეალური მთლიანი შიდა პროდუქტის (მშპ) ზრდამ 5.2%  შეადგინა, ხოლო 2019 წლის მესამე კვარტლის რეალური ზრდა, წინა წლის შესაბამის პერიოდთან შედარებით 5.7 პროცენტით განისაზღვრება.

"საქსტატის" აღმასრულებელმა დირექტორმა გოგიტა თოდრაძემ  სექტემბრის თვის ეკონომიკური ზრდის წინასწარ მაჩვენებლებთან დაკავშირებით დღეს გამართულ ბრიფინგზე ისაუბრა და აღნიშნა, რომ ამ ფაქტორის გავლენა უახლოეს თვეებში გამოჩნდება.

"აღნიშნული მიმართულება გარკვეულწილად კავშირშია მშენებლობის სექტორთან. პროგნოზს ჩვენ არ ვაკეთებთ, თუმცა როგორც წინა პერიოდის მონაცემებმა გვიჩვენა, ამან გავლენა მოახდინა და ეს შესაძლოა, მომდევნო თვეებში ამ მიმართულებაზე აისახოს, თუმცა ამის შეფასება ჩვენ გვიჭირს და ამავდროულად, ეს ჩვენს კომპეტენციას სცდება", – განაცხადა თოდრაძემ.

მოამზადა ლიკა ბესელიამ.

ავტორი: ექსპრესნიუსი,

სოციალური ქსელები

ახლო აღმოსავლეთის ნავთობის ექსპორტი ომამდელ დონეს დაუბრუნდა - ფასი კი ეცემა

უკრაინამ რუსეთის მიმართულებით გაშვებული დრონებისა და რაკეტების რაოდენობით ახალი რეკორდი დაამყარა

სააკაშვილმა შავ ჭირის საფრთხის გამო რუსეთთან საზღვრის დაუყოვნებლივ ჩაკეტვისკენ მოუწოდა

ევროკავშირის ელჩი საქართველოში: იდენტობასა და ევროპულ ინტეგრაციას შორის არჩევანი ცრუ დილემაა