2019-10-30 14:47:36, 1522 ნახვა

---

დავითაშვილი: ივანიშვილის ყველა დაპირება, მისი ნათქვამი და საქმე ერთი და იგივეა, რაც მან თქვა, შეასრულა

„წყალტუბო იქნება რეგიონული ცენტრი, ის გახდება მთელი დასავლეთ საქართველოს, განსაკუთრებით კი, იმერეთის რეგიონის განვითარების ძირითადი ლოკომოტივი ისევე, როგორც აბასთუმანის პროექტი სამცხე-ჯავახეთისთვის“, - ამის შესახებ გარემოს დაცვისა და სოფლის მეურნეობის მინისტრმა, ლევან დავითაშვილმა წყლის მდგრადი მართვის მიმართულებით საქართველოს მიღწევების შემაჯამებელ ღონისძიებაზე ჟურნალისტის მიერ წყალტუბოს პროექტთან დაკავშირებით დასმული კითხვის საპასუხოდ განაცხადა.

„ბოლო წლებში ბიძინა ივანიშვილი უმსხვილესი ინვესტორია იმ სფეროში, სადაც ქვეყანას განვითარება სჭირდება. ვფიქრობ, ყველა ეს ისტორიული პროექტი განხორციელდება წარმატებით. მოკლე დროში როგორც წყალტუბოში, ისე სამცხე-ჯავახეთში ჩვენ მივიღებთ აბსოლუტურად განსხვავებულ რეალობას“, -აღნიშნა ლევან დავითაშვილმა

 

(NS)

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი