„ბიძინა ივანიშვილის ინიციატივა  ძალიან მნიშვნელოვანია არა მხოლოდ იმიტომ, რომ საქართველო კიდევ ერთ საერთაშორისო მასშტაბის ტურისტულ ცენტრს შეიძენს აბასთუმნის შემდეგ, არამედ იმიტომაც, რომ აქ, თუნდაც სასტუმროებში, იგეგმება 8,000 -მდე სამუშაო ადგილის შექმნა", - ამის შესახებ ეკონომიკისა და მდგრადი განვითარების მინისტრმა ნათია თურნავამ განაცხადა. 

მინისტრი ბიძინა ივანიშვილის გადაწყვეტილებას ქვემოქმედებად აფასებს.  

"თუ ვივარაუდებთ, რომ მილიონამდე ტურისტი შეიძლება ჩამოვიდეს (ამას კვლევები გვიჩვენებს),  20,000 ადამიანი დასაქმდება აქ და წარმოიდგინეთ, რამხელა ახალი სიცოცხლეა ეს ყველაფერი დასავლეთ საქართველოსთვის, ასევე მთლიანად ქვეყნისთვის. ბატონმა ბიძინამ ბრძანა, რომ მზადაა, ნებისმიერ დროს გადასცეს ეს ობიექტები ყოველგვარი მოგების მიღების გარეშე კერძო ბიზნესს, ვინც იტვირთავს შესაბამის პასუხისმგებლობას. ეს არის  ქველმოქმედება, მაგრამ ამის გარეშე ჩვენ ვერ ავაღორძინებთ წყალტუბოს" - განაცხადა მინისტრმა.

კითხვაზე, თუ რა ვადებზეა საუბარი, ნათია თურნავამ ჟურნალისტებს განუმარტა, რომ კონკრეტული ვადები, პირობები თუ ღირებულება არის ის დეტალები, რომლებიც შემდგომში,  კომპლექსური დასკვნის დამუშავების პროცესში დაზუსტდება.

„მთავარია, რომ ყველაფერი გაკეთდება კანონის შესაბამისად და ისე, რომ სახელმწიფომ მხოლოდ სარგებელი მიიღოს აქედან და მისი ინტერესები არ დაზარალდეს" - განაცხადა მინისტრმა.

(NS)

ავტორი: ექსპრესნიუსი,

სოციალური ქსელები

სასამართლომ მოქალაქე კახა კალაძის სოციალურ ქსელში შეურაცხყოფისთვის 1500 ლარით დააჯარიმა

ისრაელში ავიაკომპანია Flydubai-ს რეისზე გამოჩენილი გმირობისთვის ქართველ ებრაელ ექიმს დააჯილდოებენ

TORCAL-ის პრემიერა - „ბენტლიმ“ პირველი, უნიკალური ელექტრომობილი წარადგინა

60%-მდე ფასდაკლება ელექტრონულ სატენდერო გარანტიაზე საქართველოს ბანკისგან