თურნავა: დარწმუნებული ვარ, რომ ღირსეული ინვესტორები მოიძებნება, რომლებიც ანაკლიის პროექტის დაფინანსებას შეძლებენ

2019-10-29 15:08:54, 2077 ნახვა

კომენტარი

"დარწმუნებული ვარ, რომ ღირსეული ინვესტორები მოიძებნება, რომლებიც შეძლებენ ამ პროექტის დაფინანსებას", - ამის შესახებ ეკონომიკისა და მდგრადი განვიტარების მინისტრმა ნათია თურნავამ კომპანია Meridian-ის მიერ ანაკლიის პორტის პროექტში მონაწილეობაზე უარის თქმასთან დაკავშირებით განაცხადა.

ამასთან, მინისტრის განცხადებით, ანაკლიის პროექტს საფრთხე არ ემუქრება.

"ეს სტრატეგიული პროექტია და სახელმწიფომ ძალიან ბევრი ვალდებულება აიღო თავის თავზე, რომ პროექტი კიდევ უფრო მიმზიდველი და ნაკლებად რისკიანი გახადოს ინვესტორებისთვის. დარწმუნებული ვარ პროექტში მოიძებნება ღირსეული პარტნიორი, რომელიც შეკრავს ამ პროექტს. პროექტის განხორციელებას საფრთხე არ ემუქრება". - აღნიშნა ნათია თურნავამ.

ცნობისთვის, კომპანია Meridian-მა ანაკლიის პორტის პროექტში მონაწილეობაზე უარი თქვა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან