შუახევში კიდევ ერთი მნიშვნელოვანი, მსხვილი ინფრასტრუქტურული პროექტის - ხიჭაურის ცენტრის კეთილმოწყობითი სამუშაოების განხორციელება დაიწყო.

პროექტი, რომლის ღირებულება 144 910 ლარია ითვალისწინებს, ცენტრალურ გზაზე ქვეითად მოსიარულეებისთვის ბილიკის მოწყობას ქვაფენილით, ორსართულიანი საცხოვრებელი კორპუსისა და სოფლის სახლის გარე ფასადის რეაბილიტაციას, სოფლის სახლის მიმდებარე ტერიტორიის მოწესრიგებას. მოეწყობა სკვერი, განთავსდება სკამები და ნაგვის დეკორატიული ურნები.

სამუშაოებს ტენდერში გამარჯვებული შპს ,,დიოკნისი“ ასრულებს.

სამუშაოების პირველი ეტაპი, დღეს შუახევის მერმა ფრიდონ ფუტკარაძემ, საკრებულოს წევრთან გურამ ზოიძესთან, ეკონომიკის, არქიტექტურისა და ინფრასტრუქტურის სამსახურის უფროს დავით დავითაძესთან და მერის წარმომადგენელთან ჭვანის ადმინისტრაციულ ერთეულში მალხაზ ტაკიძესთან ერთად დაათვალიერა.

 69 899 ლარია გამოყოფილი ხიჭაურის ბაღის ეზოს კეთილმოწყობაზე. მიმდინარე სამუშაოებს შპს ,,ენერგოგზა“ ასრულებს.

პროექტით გათვალისწინებულია საყრდენი კედლების, სანიაღვრე არხის, ლითონის ღობის, ბეტონის ბორდიულების, ხელოვნური საფარისა და ატრაქციონების მოწყობა.

 სოფლის მხარდაჭერის პროგრამის ფარგლებში მოეწყობა ღია სპორტული მოედანი.

 სულ ხიჭაურის ცენტრის კეთილმოწყობაზე 225,479 ლარამდე დაიხარჯება.

(NS)

ავტორი: ექსპრესნიუსი,

სოციალური ქსელები

არაგვზე ხიდის მშენებლობის გამო, სად შეიზღუდება წყალმომარაგება 36 საათით - GWP-ს განცხადება

მათიკაშვილი - პირდაპირი მსგავსებაა სექტანტურ მიმდინარეობასა და იმ ე.წ. პროტესტს შორის, რომელიც საქართველოში მიმდინარეობს

ბოჭორიშვილი: საქართველო მტკიცედ დგას უკრაინელი ხალხის გვერდით

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები