მთავრობის სხდომის დასრულების შემდეგ, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ იძულებით გადაადგილებული პირების საკითხებზე ისაუბრა. 

გიორგი წოწკოლაურის თქმით, თბილისის ბინების გადანაწილების მეორე ფაზა უკვე დაწყებულია და მოქალაქეებს განაცხადების შევსება 31 ოქტომბრამდე შეეძლებათ. სამინისტრო წლის ბოლომდე დევნილ ოჯახებს კიდევ 273 ბინას გადასცემს. 

მინისტრის მოადგილე სამინისტროს ფოიეში მყოფი დევნილების საკითხსაც შეეხო. 
მისი თქმით 3 ოჯახი უკვე დაკმაყოფილებულია ბინით, 4 ოჯახთან მიმართებით კი  დამატებითი ინფორმაციის მოძიება მიმდინარეობს. 

გიორგი წოწკოლაურმა იმ კრიტერიუმებზეც ისაუბრა, რასაც თბილისის ბინის მიღების კანდიდატი უნდა აკმაყოფილებდეს. 

"კრიტერიუმები სამინისტროს, საერთაშორისო და სხვა პარტნიორი ორგანიზაციების ჩართულობით არის შემუშავებული. დევნილ ოჯახებს მათი საცხოვრებელი პირობების გათვალისწინებით ქულები მიენიჭებათ. ყურადღება ექცევა სოციალურ შემწეობას, ოჯახში არასრულწლოვნების რიცხვს, მკვეთრად ან მნიშვნელოვნად გამოხატული შეზღუდული შესაძლებლობების მქონე პირებს და სხვა. შესაბამისად ქულის მიხედვით განისაზღვრება, რომელი ოჯახი უფრო მეტად საჭიროებს, კონკრეტულ ეტაპზე, ბინით დაკმაყოფილებას", - აღნიშნა მან. 

მინისტრის მოადგილის თქმით, სამინისტროს ფოიეში მყოფი პირებიდან არის რამდენიმე ოჯახი, რომელიც თბილისში არ არის რეგისტრირებული, ამ შემთხვევაში მათ განაცხადების შევსება რეგიონების ბინებზე შეუძლიათ.  

„წელს იწყება გორის, ხაშურის ქუთაისის და სხვა მრავალი რეგიონის მისამართით ბინების განაწილება. შევთავაზეთ, რომ მოსულიყვნენ, მიეღოთ მონაწილეობა განცხადების განხილვაში, მაგრამ სამწუხაროდ, ისინი არ გამოცხადებულან და არ მოუმართავთ განცხადებით“, - აღნიშნა გიორგი წოწკოლაურმა. 

(NS)

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა