"7 წლის თავზე, იმ ადამიანებს ვინც ეს პირველი ოქტომბერი მოიტანა და ვის მხრებზეც გადაიარა ყველაფერმა, იმ ადამიანებს ყველაზე მეტი შეურაცხყოფა მევაყენეთ", - ამის შესახებ პარლამენტის დამოუკიდებელმა დეპუტატმა ეკა ბესელიამ პლენარულ სხდომაზე განაცხადა. 

ბესელიას თქმით, არსებობენ ადამიანები, რომლებსაც არ უღალატიათ მთავარი იდეისთვის და 2020 წლის არჩევნებზე საზოგადოება თავის არჩევანს გააკეთებს. 

"დღეს, 7 წელი შესრულდა რაც "ქართული ოცნება" მოვიდა მთავარი დაპირებით, მთავარი იდეით, სამართლიანობის იდეით და სამწუხაროდ, ამ 7 წლის თავზე, იმ ადამიანებს ვინც ეს პირველი ოქტომბერი მოიტანა და ვის მხრებზეც გადაიარა ამ ყველაფერმა, იმ ადამიანებს ყველაზე მეტი შეურაცხყოფა მევაყენეთ და ყველაზე მეტად ვატკინეთ გული. იმ ადამიანებისთვის მინდა განსაკუთრებით, ვინც არ იმსახურებდა შვიდი წლის თავზე იმის თქმას, რომ ვინც მას ჩაგრავდა და უსამართლოდ ექცეოდა, რომ გაკეთილშობილდნენ, გასხივოსდნენ და უვადოდ უნდა აღზევდნენ, მათ მინდა პირადად იმ ადამიანების სახელით, ვინც მათ სამართლიანობის აღდგენას პირდებოდა, პატიება ვთხოვო და ვუთხრა, რომ ეს არის იდეა, რომელიც ჩვენ არ დაგვიწყებია და რომლისთვისაც ჩვენ არ გვიღალატია. ვინც ზურგი აქცია და არჩია დროსა და გარემოების კომფორტის, თუ სხვა რაღაცის გამო ეღალატა მთავარი იდეისთვის, ამაზე ალბათ საზოგადოება გააკეთებს არჩევანს მომავალ წელს", - განაცხადა ბესელიამ პარლამენტის პლენარულ სხდომაზე.

ავტორი: ექსპრესნიუსი,

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა