„საქართველო და აზერბაიჯანი ერთობლივად მიმზიდველ ბაზარს  წარმოადგენენ საერთაშორისო ინვესტორებისთვის, ტვირთბრუნვისთვის, ტურიზმის განვითარებისთვის.  შევთანხმდით, რომ საერთაშორისო ფორუმებზე ერთობლივად წარვადგენთ ჩვენი სატრანსპორტო ლოგისტიკური დერეფნის იდეას, რათა დემონსტრირება გავუკეთოთ მის მნიშვნელობას - ჩვენ ამას ერთად უკეთ შევძლებთ, ვიდრე ცალ-ცალკე", - განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ აზერბაიჯანელ კოლეგასთან, ეკონომიკის მინისტრ შაჰინ მუსტაფაევთან შეხვედრის შემდეგ. 

ნათია თურნავას  ინფორმაციით, აზერბაიჯანის ეკონომიკის მინისტრთან საუბრის მთავარი თემა ქვეყნებს შორის სავაჭრო-ეკონომიკური ურთიერთობების კიდევ უფრო განმტკიცება და გაღრმავება იყოს. მისი განცხადებით, შეხვედრაზე განიხილეს საქართველო-აზერბაიჯანის სტრატეგიული პარტნიორობის გაფართოების საკითხი სხვადასხვა სექტორებში, რომელთა შორის გამოიყო 4 პრიორიტეტული მიმართულება: ერთობლივი საწარმოები და ინვესტიციები, ენერგეტიკა, ლოგისტიკა და სატრანსპორტო გადაზიდვები, ასევე ტურიზმი.

ნათია თურნავას განცხადებით, ყოველწლიურად იზრდება საქონელთბრუნვა საქართველოსა და აზერბაიჯანს შორის. მისი თქმით, საქართველოსთვის აზერბაიჯანი ძირითად სავაჭრო პარტნიორების სამეულშია. ამავე დროს იზრდება საქონლის ნომენკლატურა როგორც აზერბაიჯანის, ასევე საქართველოს მხრიდან. 

შეხვედრაზე ეკონომიკის მინისტრები შეთანხმდნენ, რომ ენერგეტიკის სფეროში თანამშრომლობის გაღრმავების მიზნით უახლოეს მომავალში ქართულ-აზერბაიჯანული ბიზნესფორუმი ჩატარდება, რაც ორი ქვეყნის ბიზნესსექტორებს ერთმანეთთან უშუალო კონტაქტის და ახალი ენერგეტიკული პროექტების განხორცილების შესაძლებლობას მისცემს, განსაკუთრებით განახლებადი ენერგიის წყაროების ათვისების  კუთხით. საქართველო მდიდარია ჰიდრორესურსებით, აზერბიჯანს აქვს დიდი გამოცდილება თბოენერგეტიკის განვითარების კუთხით.

რაც შეეხება ერთობლივ პროექტებს, ნათია თურნავას განცხადებით, აზერბაიჯანული კაპიტალით შექმნილი კომპანიები წარმატებით საქმიანობენ საქართველოში, ხოლო ქართული კაპიტალით შექმნილი - აზერბაიჯანში. „ბიზნესს აქვს თანამშრომლობის ტრადიცია. ჩვენი ორი სამინისტროს ამოცანაა, შევქმნათ მაქსიმალურად ხელსაყრელი გარემო საიმისოდ, რომ ეს თანამშრომლობა განვითარდეს", - აღნიშნა ეკონომიკისა და მდგრადი განვითარების მინისტრმა ნათია თურნავამ.

შეხვედრის დასასრულს, საქართველოს ეკონომიკისა და მდგრადი განვითარების მინისტრმა თავისი კოლეგა თბილისის აბრეშუმის გზის ფორუმზე მოიწვია, რომელიც მიმდინარე წლის ოქტომბერში გაიმართება.

(NS)

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს