„პატრიოტთა ალიანსის“ წევრი ემზარ კვიციანი მიიჩნევს, რომ აქცია „სირცხვილიას“ მონაწილეებთან მისი დაპირისპირება სახელმწიფო უსაფრთხოების სამსახურის მოწყობილია - ამის შესახებ მან პრესკონფერენციაზე ჟურნალისტებს განუცხადა.

ემზარ კვიციანმა Facebook-ზე ვირუსულად გავრცელებული, შემთხვევით ჩართული ლაივიც გაიხსენა და ესეც მის წინააღმდეგ დაწყებულ დევნას დაუკავშირა. 

„ამ შემთხვევის წინა დღეს მე ძალიან მკაცრად და მწვავედ გავაკრიტიკე სუს-ი და მისი ხელმძღვანელი. აი, ამის შემდეგ რომ მოხდა ის, რაც მოხდა.  ვერ აკავშირებთ ამას ერთმანეთთან? რა თქმა უნდა, ვფიქრობ, რომ ეს იყო სუსის მოწყობილი - პირველი დევნა ხომ არ  არის ჩემ მიმართ? დევნა არის ჩემ მიმართ ყველა მხრიდან - სასამართლოდან, პროკურატურიდან  და, მათ შორის, ჟურნალისტებიდან. გახსოვთ ალბათ ჩემ მიერ შემთხვევით ჩართული ლაივი - როგორ დაატრიალეს და გააპიარეს მთელს მსოფლიოში, უნდოდათ ამითი ჩემი გამარგინალება, მაგრამ არ გამოუვიდათ“ , - განაცხადა ემზარ კვიციანმა. 

შეგახსენებთ, რომ 8 სექტემბერს,  პარლამენტის შენობასთან, სადაც საპროტესტო აქცია მიმდინარეობდა,  პარლამენტიდან გამოსულ „პატრიოტთა ალიანსის“ დეპუტატ ემზარ კვიციანსა და აქცია „სირცხვილიას“ მონაწილეებს შორის დაპირისპირება მოხდა.  აქციის მონაწილეებმა დეპუტატს „რუსეთის მონა“ და „მოღალატე“ უწოდეს. აღნიშნულმა კვიციანის გაღიზიანება გამოიწვია. მან აქციის ერთ-ერთ მონაწილეს ფიზიკური შეურაცხყოფა მიაყენა. მომხდართან დაკავშირებით შინაგან საქმეთა სამინისტროს თბილისის პოლიციის დეპარტამენტის ძველი თბილისის სამმართველოში გამოძიება საქართველოს სსკ-ს 126-ე მუხლით დაიწყო, რაც ძალადობას გულისხმობს.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს