2019-09-05 11:24:32, 11818 ნახვა
რეგიონი
რუსმა ოკუპანტებმა სოფელ წნელისთან სტრატეგიული სიმაღლის ოკუპირება გამთენიისას მოახდინეს [ვიდეო]
ცხნინვალის მარიონეტულმა მთავრობამ და რუსეთის საოკუპაციო ძალებმა, სოფელ წნელისთან სტრატეგიული სიმაღლის ოკუპირება დღეს დილით მოახდინეს.
ოსური მხარის ინფორმაციით, ე.წ სასაზღვრო ძალები სტრატეგიულ სიმაღლეზე გამთენიისას მივიდნენ და ქართული მხრის მიერ კონტროლირებადი ტერიტორია დაიკავეს.
საოკუპაციო ძალების ინფორმაციით, დაკავებულ ახალ ტერიტორიაზე უკვე დამონტაჟდა ე.წ სასაზღვრო საგუშაგო.
ოსური მხარე ირწმუნება, რომ ოპერაციას მშვიდობიანი ხასიათი ჰქონდა.
ავტორი: ექსპრესნიუსი,
epn.ge (@expressnews.ge)
