"ქართული ოცნების" ყოფილი წევრი და პარლამენტის დეპუტატი ბექა ნაცვლიშვილი მიიჩნევს, რომ საბჭოთა კავშირის დანგრევა, პოსტსაბჭოთა ქვეყნებისთვის ჰუმანიტარული კატასტროფა იყო.

შესაბამისი განცხადება ნაცვლიშვილმა საგარეო საქმეთა მინისტრობის კანდიდატისთის კითხვის დასმის დროს გააკეთა. მისი კითხვა ე.წ. ცირკულარულ მიგრაციას შეეხებოდა. დეპუტატმა საბჭოთა კავშირის დანგრევის პერიოდი გაიხსენა:

 "საბჭოთა კავშირი როდესაც დაინგრა, ჩემი გადმოსახედიდან ყოველ შემთხვევაში, ეს იყო ჰუმანიტარული კატასტროფა პოსტსაბჭოთა ქვეყნების მაცხოვრებლებისთვის იმიტომ, რომ დაგეგმითი ეკონომიკიდან საბაზრო ეკონომიკაზე ძალიან სწრაფად გადავედით და რა თქმა უნდა, ადამიანებმა ამას ფეხი ვერ აუწყვეს. შესაბამისად, ჩვენ, რიგი ქვეყნები ვიმყოფებით იგივე ტრაგიკულ და კატასტროფულ მდგომარეობაში, როგორშიც ჩვენ  ვიმყოფებოდით 30 წლის წინ. რაც არ უნდა ერთმანეთს ვატყუოთ, რომ შუშის შენობები გვაქვს და ა.შ. ვიცით, რომ ვითარება ეკონომიკურად და სოციალურად ჩვენი მოქალაქეებისთვის არის ძალიან მძიმე.

თუ გვახსოვს, როდესაც მეორე მსოფლიო ომი დამთავრდა ამერიკის ხელისუფლებამ ევროპაში გადაწყვიტა ე.წ. მარშალის გეგმის განხორციელება, რაც გულისხმობდა იმას, რომ ეს იყო ერთგვარი შეკავების პოლიტიკის შემადგენელი ნაწილი, რომ საბჭოთა კავშირი თავისი ტენდენციით ვითარდებოდა, რადგან ევროპა თითქმის დანგრეული იყო, შეიძლება ვთქვათ, იზრდებოდა საბჭოთა კავშირის მიმართ სიმპათიები ევროპაში და ამერიკამ გადაწყვიტა რომ ეს რამენაირად შეეჩერებინა და განეხორციელებინა მარშალის გეგმა, რომელიც ევროპას ფეხზე დააყენებდა. 

დაახლოებით რუსეთის შეკავების თვალსაზრისით, უპრიანი იქნებოდა, იგივე ევროკავშირს განეხორციელებინა, როგორც  აღმოსავლეთ ევროპაში მთლიანად, იმიტომ რომ აღმოსავლეთ ევროპაშიც არიან უკვე ე.წ. რუსეთის მიმართ სიმპატიით გამსჭვალული ევროპელი ლიდერები და მათ ნაკლებობას არ განიცდის და შეიძლება იგივე ვთქვათ აღმოსავლეთ პარტნიორობის ქვეყნებზეც. რამდენად გაქვთ თქვენ უფრო თამამი ნაბიჯების გადადგმის სურვილი, თუ ასეთი გეგმა განხორციელდება, განვითარების გეგმა განხორციელდება, რომლის ერთ-ერთი წამყვანი ევროკავშირი იქნება, რამდენად არის მთავრობა ამისთვის მზად, რადგან ამას სჭირდება ძალიან კარგი, კომპეტენტური პასუხისმგებლიანი და ქმედითი მთავრობა. თქვენ ახლა მთავრობას ვერ შეაფასებთ, რადგანაც მთავრობის წევრი ბრძანდებით ჯერ კიდევ და მომავალშიც, მე მგონია, იქნებით, მაგრამ რამდენად გაქვთ თქვენ ასეთ ნაბიჯებზე კომუნიკაცია, რომელიც უფრო კომპლექსური იქნება და არა ის საგზაო რუკა, რომელზეც ევროპელ პარტნიორებთან ისაუბრეთ", - განაცხადა დეპუტატმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს