აჭარის ავტონომიური რესპუბლიკის მთავრობის თავმჯდომარე თორნიკე რიჟვაძემ სლოვაკეთის რესპუბლიკაში, ოფიციალური ვიზიტის ფარგლებში, შეხვედრა გამართა ბრატისლავის სავაჭრო-სამრეწველო პალატის დირექტორთან იურაი მაიტანთან. შეხვედრას, ასევე, ესწრებოდნენ სლოვაკეთის სავაჭრო-სამრეწველო პალატის ტურიზმის მიმართულების ხელმძღვანელი იურაი პივოვარჩი და საქართველოს საგანგებო და სრულუფლებიანი ელჩი სლოვაკეთის რესპუბლიკაში რევაზ გაჩეჩილაძე.

შეხვედრაზე ისაუბრეს რეგიონულ დონეზე ეკონომიკური ურთიერთობების გაღრმავების გზებზე. დაისახა კონკრეტული გეგმები, რაც ქართული და სლოვაკური კომპანიების ბიზნეს თანამშრომლობის გაფართოებას შეუწყობს ხელს.

მხარეებმა სლოვაკეთში აჭარის ტურისტული პოტენციალის შესახებ მარკეტინგული კამპანიის წარმოების შესაძლებლობები განიხილეს. დაისახა ორ ქვეყანას შორის ტურიზმის სფეროში თანამშრომლობის გააქტიურების გზები.

შეხვედრაზე სლოვაკეთის ტურისტულ გამოფენაში აჭარის ავტონომიური რესპუბლიკის მონაწილეობის ინიციატივაც გამოითქვა.

(NS)

ავტორი: ექსპრესნიუსი,

სოციალური ქსელები

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები

ირანის ბლოკადის აღდგენის შემდეგ თეირანთან დაკავშირებული დაკავებული სავაჭრო გემების რაოდენობამ 115-ს მიაღწია.

თბილისის 21-ე სკოლაში რამდენიმეკვირიანი სარეაბილიტაციო სამუშაოები ჩატარდება, რის შემდეგაც სწავლა იმავე შენობაში განახლდება

შსს - კახეთში 100 კგ-მდე კანაფი ამოიღეს, დაკავებულია 3 პირი