2019-08-08 13:09:03, 1063 ნახვა

---

ციხელაშვილი - რუსეთი ოკუპანტია, თუმცა სხვა საკითხია, როდესაც აისბერგი გეჯახება, აკეთებ მანევრს თუ პირდაპირ ასკდები

„კითხვის ნიშნები, თუ ვინ არის ოკუპანტი და ვინ განახორციელა ომი, არ შეიძლება არსებობდეს“, - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა ჟურნალისტებს განუცხადა.

როგორც ციხელაშვილმა აღნიშნა, რუსეთი ოკუპანტია, თუმცა მისივე თქმით, როდესაც ქვეყანას საფრთხე ემუქრება, მის ასაცილებლად მანევრირებაა საჭირო.

„კითხვის ნიშნები, თუ ვინ არის ოკუპანტი, ვინ შემოიჭრა საქართველოში და ვინ განახორციელა ომი არ შეიძლება არსებობდეს, იმიტომ რომ ეს არის რუსეთი. სხვა საკითხია, როცა ხედავ, რომ  დიდი აისბერგი მოდის და გეჯახება, აკეთებ თუ არა შენ, როგორც გემის კაპიტანი რაიმე მანევრს რომ აიცილო ეს, სცადო მაინც, თუ პირდაპირ, მთელი სისწრაფით ასკდები, აი ამაშია საქმე“, - განაცხადა ქეთევან ციხელაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი