„გაწეული სამუშაო, პრაქტიკულად თავისი შინაარსით  არის სრულმასშტაბიანი რეფორმა, როგორც ელექტრონული მმართველობის დანერგვის კუთხით, ასევე ბიუჯეტირების თვალსაზრისით“, -  ასე შეაფასა თორნიკე რიჟვაძემ ბათუმის მერიის ბოლო ორი წლის საქმიანობა.

მუნიციპალიტეტის საქმიანობის შედეგების პრეზენტაცია დღეს გაიმართა.  

„ჩვენთვის ძალიან მნიშვნელოვანია, რომ აჭარაში ყველა მუნიციპალიტეტი და ბათუმი იყოს წარმატებული, ვინაიდან ძლიერი თვითმმართველობა და ძლიერი მუნიციპალიტეტები არის  ძლიერი ეკონომიკისა და ძლიერი ქვეყნის წინაპირობა.

განსაკუთრებით მნიშვნელოვანია, რომ თანაქალაქელებს ჰქონდეთ წვდომა  მუნიციპალურ სერვისებზე და ყველა ის პრობლემა, რომელიც არის სხვადასხვა უბანში, სხვადასხვა დასახლებაში სწრაფად იქნას იდენტიფიცირებული.

შემდეგ კი სწრაფად შემუშავდეს პრიორიტეტები, ვინაიდან ჩვენ არ გვაქვს დასაკარგი დრო და ყველა საკითხი საჭიროებს  ოპერატიულ რეაგირებას", - განაცხადა თორნიკე რიჟვაძემ სიტყვით გამოსვლისას.

ბათუმის მერიამ საქმიანობის ეფექტურობის გაზრდისა და შედეგზე ორიენტირებული მართვის სისტემის დანერგვის მიზნით მნიშვნელოვანი პროექტები შეიმუშავა.

2019 წლის ადგილობრივი თვითმმართველობის ინდექსით,  ბათუმი  პირველ ადგილზე გავიდა და საუკეთესო ქალაქად დასახელდა.

(NS)

ავტორი: ექსპრესნიუსი,

სოციალური ქსელები

აშშ-მ ირანის წინააღმდეგ სანქციები გააფართოვა და მსხვილი ავტომწარმოებლები და რკინიგზის კომპანიები მოიცვა

ნატოს გენერალური მდივანი: ევროპა დღეს მშვიდობაში არ არის

„პუტინის გზა“: მოსკოვი რუსეთიდან საქართველოს გავლით სომხეთამდე რკინიგზის მარშრუტის პოპულარიზაციას იწყებს

„თბილისობის“ დღესასწაულთან დაკავშირებით საავტომობილო გადაადგილება რამდენიმე ქუჩაზე დროებით იზღუდება