18 ივლისს ეკონომიკისა და მდგრადი განვითარების მინისტრის მოადგილემ დავით თვალაბეიშვილმა და გერმანიის რეკონსტრუქციის საკრედიტო ბანკის (KfW) წარმომადგენელმა ჰანს რიეკმა ხელი მოაწერეს საკონსულტაციო მომსახურების დაფინანსების შეთანხმებას, რომელიც წარმოადგენს ამა წლის 15 ივნისს გერმანიის რეკონსტრუქციის საკრედიტო ბანკსა და საქართველოს შორის გაფორმებული „ენერგეტიკის სექტორის ღია პროგრამის" სასესხო ხელშეკრულების თანმხლებ მხარდამჭერ ღონისძიებას.

აღნიშნული პროგრამის ფარგლებში გამოყოფილი ფინანსური რესურსები მიმართული იქნება ელექტროგადამცემი ქსელის გაფართოებისა და საქართველოს ენერგეტიკული სისტემის გაძლიერებისკენ, რაც, თავის მხრივ, წარმოადგენს ქვეყნის ენერგეტიკული უსაფრთოხებისა და ენერგეტიკული დამოუკიდებლობის წინაპირობას. 

ასევე ხელი მოწერა ენერგეტიკის სექტორის რეფორმის 4 წლიანი პროგრამის ფარგლებში საკონსულტაციო მომსახურებასთან დაკავშირებით დაფინანსების შეთანხმებას. აღნიშნული პროგრამა, რომელიც ითვალისწინებს საქართველოსთვის საბიუჯეტო დახმარებას პოლიტიკაზე დაფუძნებული სესხის სახით, მიზნად ისახავს საქართველოსთვის დახმარების გაწევას ენერგეტიკის სექტორში „ენერგეტიკულ გაერთიანებისა" და ასოცირების შეთანხმების ფარგლებში აღებული ვალდებულებების შესრულების კუთხით, ენერგეტიკული ბაზრის რეფორმირების პროცესში.

„გერმანიის ფედერალურ რესპუბლიკასა და საქართველოს შორის ნაყოფიერი თანამშრომლობა ენერგეტიკის სფეროში ბოლო 20 წელია გრძელდება. ამ წლების განმავლობაში, გერმანია საქართველოსთვის იქცა ერთ-ერთ მთავარ პარტნიორ ქვეყნად, რომელიც დონორი ორგანიზაციების მეშვეობით გვეხმარება როგორც ინვესტიციების მოზიდვასა და ენერგეტიკული ინფრასტრუქტურული პროექტების განხორციელებაში, ასევე განახლებადი ენერგიების განვითარებაში," – განაცხადა ეკონომიკისა და მდგრადი განვითარების მინისტრის მოადგილე დავით თვალაბეიშვილმა ხელმოწერის შემდეგ. მან განსაკუთრებით გამოყო გერმანიის რეკონსტრუქციისა და განვითარების ბანკის (KfW) აქტიური მხარდაჭერა და წვლილი საქართველოს ენერგეტიკის სექტორის განვითარებაში, რომელიც გამოიხატება ტექნიკური, ფინანსური თუ ექსპერტული დახმარებით.

„დღეს ხელმოწერილი დაფინანსების შეთანხმებებიც ჩვენი წარმატებული თანამშრომლობის ნათელი მაგალითია, რაც მიზნად ისახავს, ერთის მხრივ, სს „საქართველოს სახელმწიფო ელექტროსისტემის"  ექსპერტულ დახმარებას, რათა წარმატებით იქნეს განხორციელებული სტრატეგიული მნიშვნელობის მქონე ინფრასტრუქტურული პროექტები,   ხოლო, მეორეს მხრივ, საქართველოს ეკონომიკისა და მდგრადი განვითარების სამინისტროს მხარდაჭერას ენერგეტიკის სექტორის რეფორმის განხორციელების პროცესში. მსურს, გამოვხატო მადლიერება გერმანიის რეკონსტრუქციისა და განვითარების ბანკისადმი (KfW) მრავალწლიანი წარმატებული თანამშრომლობისა და საქართველოს ენერგეტიკის სექტორის რეფორმის მხარდაჭერისთვის, რაც  ჩვენი ქვეყნის ენერგეტიკულ უსაფრთხოებისა და საიმედოობის გაძლიერებას ემსახურება", - განაცხადა ეკონომიკისა და მდგრადი განვითარების მინისტრის მოადგილემ.

(NS)

ავტორი: ექსპრესნიუსი,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით