მელია: გოცირიძემ თქვა გენიალური რაღაც - თმის ღერი არ ჩამომივარდება თავიდან

2019-06-26 16:06:44, 1503 ნახვა

პოლიტიკა

„აქამდე ხელბორკილები რომ არ დამადეს, ესეც გასაკვირია“, - ამის შესახებ ენმ-ს წევრმა, ნიკა მელიამ ჟურნალისტებს განუცხადა.

ცოტა ხნის წინ პარლამენტის ორმა კომიტეტმა ნიკა მელიასთვის სადეპუტატო იმუნიტეტის მოხსნას მხარი დაუჭირა.

„რა მოლოდინი უნდა მქონდეს, მთელ ქვეყანას აქვს საშუალება თვალი ადევნოს იმას რაც ხდება. ამას სახელს არ დავარქმევ, რადგან ყველა თავისთვის გააკეთებს დასკვნას. შემაშფოთებელი და თვალხილულია, რატომ კეთდება ეს ყველაფერი გაშმაგებულად. ეს არ კეთდება ბიძინა ივანიშვილისთვის - ის არ არის აქ მთავარი საკვანძო ფიგურა. პუტინის ხელის ბიჭი ბიძინა ივანიშვილი და მონურ მორჩილებაში მყოფი ადამიანები ხედავთ, რასაც აკეთებენ. აუცილებლად შევდივარ სესიაზე. ბატონმა რომან გოცირიძემ თქვა გენიალური რაღაც: თმის ღერი არ ჩამომივარდება თავიდან“, - აღნიშნა ნიკა მელიამ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან