შინაგან საქმეთა მინისტრი გიორგი გახარია პარლამენტის შენობასთან მივიდა, სადაც მოქალაქეები საპროტესტო აქციას მართავენ.

როგორც გახარიამ აღნიშნა, იმას, რაც ადგილზე ხდება „სახელმწიფო ინსტიტუტების შტურმი“ ჰქვია.

„პირველ რიგში, თითოეულ მოქალაქეს, რომელიც დგას ახლა ამ მოედანზე და შეიძლება გამოთქვამს სამართლიან პროტესტს, მოვუწოდებთ, ერთმნიშვნელოვნად დაემორჩილონ პოლიციის მოთხოვნას. რაც აქ ხდება, ამას ქვია სახელმწიფო ინსტიტუტების შტურმი. სხვა ყველაფერს მერე გეტყვით“, - განაცხადა გიორგი გახარიამ.

ცნობისთვის, რუსთაველის გამზირზე მიმდინარე აქციის მონაწილეთა ნაწილი პარლამენტის შენობაში შეიჭრა. მათ პოლიციის კორდონი გაარღვიეს, თუმცა დაპირისპირება ამ დრომდე გრძელდება. სამართალდამცველები აქციის მონაწილეების გარეთ გამოყვანას ცდილობენ.

რაც შეეხება პროტესტს, ადგილზე შეკრებილები რუსული დელეგაციის საქართველოში ვიზიტს და დუმის დეპუტატის, სერგეი გავრილოვის მიერ პარლამენტის შენობაში სხდომის წაყვანას აპროტესტებენ. აქციის მონაწილეები პარლამენტის თავმჯდომარე ირაკლი კობახიძის, შს მინისტრ გიორგი გახარიას და სუს-ის უფროსის, ვახტანგ გომელაურის გადადგომას ითხოვენ.

ავტორი: ექსპრესნიუსი,

სოციალური ქსელები

პაპუაშვილი ევროკავშირის ელჩ პაველ ჰერჩინსკის ღია წერილით მიმართავს

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე