2015-07-02 12:09:58, 756 ნახვა
ეკონომიკა
კახა კალაძე: არც ერთ კომპანიას ინვესტიციების განხორციელება არ შეუჩერებია
ვიცე-პრემიერის, ენერგეტიკის მინისტრის კახა კალაძის განცხადებით, არც ერთ კომპანიას ინვესტიციების განხორციელება არ შეუჩერებია.
ამის შესახებ კალაძემ ჟურნალისტებს საქსტატის მიერ გამოქვეყნებული იმ მონაცემების კომენტირებისას განუცხადა, რომლის თანახმად, წინა წლის ანალოგიურ პერიოდთან შედარებით 2015 წლის პირველ კვარტალში პირდაპირი უცხოური ინვესტიციების მოცულობა მნიშვნელოვნად შემცირდა.
„ინვესტიციებს რაც შეეხება, არცერთი კომპანია არ გასულა, არცერთ კომპანიას არ შეუჩერებია ინვესტიციების განხორციელება. რაც შეეხება საქსტატის ინფორმაციას, ეს გამოწვეულია ლარის გაუფასურებით, რამაც სეროზული ზიანი მიაყენა კომპანიებს, სადისტრიბუციო კომპანეიბი დღეს ზარალზე არიან“, - განაცხადა კახა კალაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
