ეკონომიკისა და მდგრადი განვითარების მინისტრის, ნათია თურნავას განცხადებით, სახელმწიფომ „ანაკლიის განვითარების კონსორციუმს“ უკვე 11 მილიონ დოლარზე მეტი ოდენობის პირგასამტეხლო აპატია.

როგორც მინისტრმა გაერთიანებული კომიტეტების სხდომაზე სიტყვით გამოსვლისას აღნიშნა, პროექტის მიმართ სახელმწიფოს მხარდაჭერა საქმით მტკიცდება.  

 „ალბათ კარგად მოგეხსენებათ, პირველი ვადა „ანაკლიის კონსორციუმთან“ სამუშაოების დაწყების და ე.წ. ფინანსური დახურვის მიღწევის, ჯერ კიდევ 2017 წლის ზაფხული იყო, იმის შემდეგ სახელმწიფომ რამოდენიმეჯერ გაითვალისწინა ინვესტორის თხოვნა და მოხდა ამ ვადის გადავადება. შესაბამისად, ჩვენ კვლავ ვიხილავთ მათთან დაფინანსების მოზიდვის საკითხებს. ამ პროცესში სახელმწიფომ უკვე აპატია ინვესტორს 11 მილიონ დოლარზე მეტი ოდენობის პირგასამტეხლო ვადების დარღვევის გამო. მაგრამ ეს არ არის მნიშვნელოვანი. მნიშვნელოვანია, რომ ეს პროექტი შედგეს, რადგან ანაკლია, ეს არ არის მხოლოდ კომერციული პროექტი, ეს არის მნიშვნელოვანი ჩვენი ქვეყნის უსაფრთხოებისთვის, სტრატეგიული მდებარეობის გამოყენებისთვის. დღეს ვკარგავთ გარკვეული კატეგორიის ტვირთებს, რომელიც სხვა შემთხვევაში გაივლიდა ჩვენს ლოგისტიკურ სისტემას, ჩვენ საპორტო ინფრასტრუქტურაში. ჩვენ გავაკეთებთ ყველაფერს იმისთვის, რომ ანაკლია დროულად ამოქმედდეს და ამ ღრმაწყლოვანმა პორტმა შეძლოს ტვირთების მიღება“, - განაცხადა ნათია თურნავამ.

ავტორი: ექსპრესნიუსი,

სოციალური ქსელები

უკრაინამ ჩაშალა კრემლის გეგმა, რომელიც მისი სამივე ატომური ელექტროსადგურის ქსელიდან გამოყვანას ითვალისწინებდა

პაპუაშვილი: უცხოურმა ფონდებმა საქართველოში პოლიტიკური მისია არ უნდა შეასრულონ

საქართველოში ადენაუერის ფონდის შემდეგ, ფრიდრიხ ნაუმანის ფონდიც იხურება

გენპროკურორის მოადგილე ბელთაძე, საეჭვო ვითარებაში გარდაცვლილ თემურ ხადურის დედას ნინო გვიშიანს შეხვდა