„რა თქმა უნდა, მხარს ვუჭერთ შალვა შავგულიძეს მთაწმინდაზე, იქაც ბოლომდე უნდა ვიბრძოლოთ“, - ამის შესახებ საქართველოს ყოფილმა პრეზიდენტმა მიხეილ სააკაშვილმა Facebook-ის საკუთარ გვერდზე გამოქვეყნებულ ვიდეო მიმართვაში განაცხადა.

მისი თქმით, „ნაციონალური“ მოძრაობის რეიტინგი „ოცნების“ რეიტინგს გაუტოლდა, რაც მნიშვნელოვან წინსვლას ნიშნავს.

„მაგრად მივიწევთ წინ, გამოკითხვები ნახეთ? პირველად „ნაცმოძრაობა“ გაუტოლდა „ოცნებას“ გამოკითხვებში, სადაც ხალხი, როგორც წესი, სიმართლეს არ ამბობს, მინიმუმ გვაქვს ორმაგი უპირატესობა და ეს გაიზრდება. ივანიშვილის პირადი რეიტინგი კატასტროფულად დაბალია და ხალხს ის უბრალოდ ეზიზღება. ეს ის საფუძველია, რაზეც ასევე დადგება ჩვენი გამარჯვება. ახლა ჩვენ უნდა გადავიდეთ შემდეგ გეგმაზე. ჯერ ერთი, რა თქმა უნდა, მხარს ვუჭერთ შავგულიძეს მთაწმინდაზე და ბოლომდე უნდა ვიბრძოლოთ იქაც, მაგრამ მთავარი ასევე არის, თუ რას ვეტყვით ჩვენს ხალხს. ხალხი ითხოვს არგაჩერებას, ხელების ჩამოშვებაზე და დანებებაზე საერთოდ არ ვლაპარაკობ“, - განაცხადა სააკაშვილმა.

შეგახსენებთ, 19 მაისს, მთაწმინდის ოლქში პარლამენტის რიგგარეშე შუალედური არჩევნები ჩატარდა. ვინაიდან ამომრჩეველთა ხმების 50% ვერცერთმა კანდიდატმა ვერ მოაგროვა, არჩევნების მეორე ტური დაინიშნა. მეორე ტურში მაჟორიტარობისთვის „ქართული ოცნების“ კანდიდატი ლადო კახაძე და „ევროპული საქართველო - თავისუფალი დემოკრატების“ კანდიდატი, შალვა შავგულიძე იბრძოლებენ.

ავტორი: ექსპრესნიუსი,

სოციალური ქსელები

საბურთალოზე კაცი მოკლეს

ენერგეტიკული ბაზარი: ცვლილებები და საინვესტიციო შესაძლებლობები - ბიზნესთან შეხვედრა გაიმართა

დაესწარით თანამედროვე ხელოვნების ბაზრობა Tbilisi Art Fair 2026-ს - ღონისძიების მხარდამჭერია SOLO

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები