"ყველა სხდომაზე მიწევს რეგლამენტის შეხსენება. ახლაც იგივეს ვაპირებ. რეგლამენტის შესაბამისად დავაყენე საკითხი, როდესაც ვთქვი, რომ მესამე მოსმენიდან მეორე მოსმენაზე დააბრუნეთ ეს კანონპროექტი, ეს ეხება მათ შორის რეგლამენტის კანონპროექტს. ის რაც ამ დარბაზში ხდება ეს არც რეგლამენტში წერია და არც პარლამენტარიზმის სტანდარტს შეესაბამება. ცენზურას აყალიბებთ და ადგენთ პარლამენტში, რა მოგეწონებათ და რა არ მოგეწონებათ იმის მიხედვით უნდა გათიშოთ მიკროფონები?! ხომ არ ჩამოგვიწერთ იმ სიტყვათა ჩამონათვალს ლექსიკონიდან? ნუ მაწყვეტინებთ საუბარს, არ გაქვთ უფლება. დაიცავით რეგლამენტი. იქ ჯდომა არის პასუხისმგებლობა და ვალდებულება, და არა თვითნებობა. დამასრულებინეთ საუბარი ან ჩამომიწერეთ სიტყვათა ის მარაგი ლექსიკონიდან, რომელიც გესიამოვნებათ და გამოვაგზავნი. კიდევ ერთხელ ვაყენებ საკითხს - რა არის მიზეზი იმისა, რომ რეგლამენტში არის ასეთი ჩანაწერი, რომ თქვენ თვითნებურად შეგიძლიათ გადაწყვიტოთ რა როგორ უნდა განვითარდეს. თუ თქვენ აირჩიეთ ეს გზა, რომ ახლა მაგ ტრიბუნიდან დაცვა უნდა დაიწყოთ იმ მოსამართლეების, რომლებმაც პოლიტიკური ვითარება თავდაყირა დააყენეს და საერთოდ ყველაფერი დარტყმის ქვეშ დააყენეს, რაც აქამდე მოვიტანეთ, ეს თქვენი არჩევანია, გაეფინეთ ფიანდაზად და გაუღეთ ყველა სივრცე რაც იყო მათთვის აკრძალული, ეს თქვენი არჩევანია და მშვიდობაში მოიხმარეთ. შედეგს მალე ნახავთ".

პარლამენტის დამოუკიდებელი დეპუტატი ეკა ბესელია/ პლენარული სხდომა/ მიმართვა ირაკლი კობახიძეს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!