თავდაცვისა და უშიშროების კომიტეტის თავმჯდომარის ირაკლი სესიაშვილის განცხადებით, საქართველო-აზერბაიჯანის საზღვართან არსებული პრობლემა წლების განმავლობაში გადაუჭრელი საკითხი იყო.

დეპუტატი ამ თემაზე საუბრისას ყველას სიფრთხილისკენ მოუწოდებს. მისი თქმით, ის დარწმუნებულია, რომ გადაწყვეტილებას ორივე ქვეყნის ინტერესების გათვალისწინებით მიიღებენ. 

"მე მინდა ძალიან ფრთხილად მივუდგეთ ყველა, იმიტომ, რომ ეს მხოლოდ ხელისუფლების პასუხისმგებლობა არ არის, ეს ჩვენი საერთო ინტერესია, რომ ერთის მხრივ, ჩვენს პარტნიორ აზერბაიჯანთან კეთილმეზობლური ურთიერთობა დავიცვათ, რომელთანაც ჩვენ კრიტიკულად პრობლემატური საკითხები არ გვაქვს, მაგრამ, მეორეს მხრივ, ჩვენ ჩვენი საზოგადოების ინტერესები ადეკვატურად უნდა დავიცვათ. მე დარწმუნებული ვარ, რომ აზერბაიჯანის ხელისუფლებასთან ერთად საკითხს გადავწყვეტთ. ეს პრობლემა წლების განმავლობაში არსებობდა და დღესაც არსებობს, რადგან საზღვრის დემარკაცია ჯერ კიდევ არ დასრულებულა, თუმცა ჩვენ გვაქვს მოლოდინი, რომ ამ საკითხს ორივე სახელმწიფოს, პირველ რიგში, საზოგადოების ინტერესების გათვალისწინებით გადავწყვეტთ", განაცხადა ირაკლი სესიაშვილმა.

ავტორი: ექსპრესნიუსი,

სოციალური ქსელები

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს

რუსეთის ირკუტსკისრეგიონში ჭირის ინფექციის გამო საავადმყოფოში თითქმის 200 ადამიანია მოთავსებული

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა