ქვეყნის დამოუკიდებლობა და განვითარება გადის ენერგეტიკის დამოუკიდებლობასა და განვითარებაზე. თუ ჩვენ არ გვექნება განვითარებული და მაქსიმალურად დამოუკიდებელი ენერგოსისტემა, ჩვენი ქვეყნის დამოუკიდებლობასა და განვითარებას ვერ მივაღწევთ, - ამის შესახებ ექსპერტმა ენერგეტიკის საკითხებში პაატა ცინცაძემ ჟურნალისტებთან საუბარისას განაცხადა. 

ცინცაძის თქმით, ჩვენი ქვეყნის ერთადერთი რესურსი ეს არის ჰიდრორესურსი. მისი ათვისება არის გარდაუვალი და  აუცილებლად უნდა მოხდეს ათვისება. 
„არავინ ამბობს, რომ ეს ათვისება უნდა მოხდეს ეკოლოგიური წესებისა და ნორმების დარღვევით. რა თქმა უნდა, ყველა ნორმა უნდა იყოს დაცული. ჰესები აუცილებლად უნდა აშენდეს, ამას ალტერნატივა არ აქვს. ყოველწლიურად 80-დან 100 მლიონ დოლარამდე ვიხდით იმპორტირებულ ელექტროენერგიაში და ამ ფულს ვდებთ მეზობელი ქვეყნების ენერგეტიკის განვითარებაში. ამიტომ ჩვენ რომ ეს ფული ჩვენს ენერგეტიკას მოვახმაროთ, გაცილებით უკეთეს მდგომარეობაში ვიქნებით. თუნდაც იგივე პანკისში ხადორი 3-ის ჰესის აშენებით პანკისის რეგიონში ადგილობრივ ბიუჯეტში შევა ქონების გადასახადის სახით 1 პროცენტი. ეს ჰესი დაჯდება დაახლოებით 10 მილიონი დოლარი. ყოველწლიურად 100 ათასი დოლარი რომ დაემატოს პანკისელებს, ეს ცოტა არ არის და მოსახლეობას უნდა მივცეთ საშუალება ეს თანხა თვითონ განკარგონ“, - განაცხადა პაატა ცინცაძემ. 

მისივე თქმით, ხადორი 3-ის ჰესი არის მცირე ჰესი და მას გავლენა არ აქვს გარემოზე.

ავტორი: ექსპრესნიუსი,

სოციალური ქსელები

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო

უკრაინა მოსკოვში აღლუმის დასაცავად საჰაერო თავდაცვის გარეშე დარჩენილი რუსეთში ობიექტების დაბომბვისთვის ემზადება