ვიცე-პრემიერი, ეკონომიკისა და მდგრადი განვითარების მინისტრი გიორგი კვირიკაშვილი გავრცელებულ ინფორმაციას გამოეხმაურა, რომლის თანახმად საქართველო სამოქალაქო ავიაციის საერთაშორისო ორგანიზაციის (იკაო) შავ სიაში მოიხსენიება და დღის წესრიგში ორგანიზაციიდან საქართველოს გარიცხვის საკითხი დგას.

კვირიკაშვილის განმარტებით, საუბარია 2013 წელს დადებულ დასკვნაზე და ამ კუთხით ინტენსიური მუშაობა მიმდინარეობს.

„არაერთი ვრცელი კომენტარი გაკეთდა ამ საკითხთან დაკავშირებით. რაც შეეხება იკაოს ე.წ „შავ სიას“, ეს იყო 2013 წელს დადებული დასკვნა, რომელიც ეხებოდა 2013 წლის წინა პერიოდს. ძალიან ბევრი რამ იკაოსთან შესაბამისობის კუთხით პროცენტული მაჩვენებელი არის მნიშვნელოვანი და ყოველდღიური მუშაობა მიმდინარეობს, იმისთვის რომ მაქსიმალური შესაბამისობა იქნას მიღწეული“, - განაცხადა გიორგი კვირიკაშვილმა.

შეგახსენებთ, ცოტა ხნის წინ გავრცელდა ინფორმაცია, რომ საქართველო მოიხსენიება სამოქალაქო ავიაციის საერთაშორისო ორგანიზაციის (იკაო) შავ სიაში და დღის წესრიგში დგას ორგანიზაციიდან საქართველოს გარიცხვის საკითხი. საქართველოს სამოქალაქო ავიაციის სააგენტომ აღნიშნული ინფორმაცია უარყო. სააგენტოში აცხადებდნენ, რომ იკაო არ აწარმოებს ეგრეთ წოდებულ „შავ სიას“ და ორგანიზაციიდან გარიცხვის მექანიზმიც არ არსებობს. ამასთან, CNN-ის სტატიის თანახმად, საქართველო ერთ-ერთი ქვეყანაა, რომელიც სამოქალაქო ავიაციის საერთაშორისო ორგანიზაციის (იკაო) მიერ ე.წ. წითელი დროშით არის მონიშნული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება

არასრულწლოვანი შვილიშვილი აიძულა, ცოლად გაჰყოლოდა თანასოფლელს - მარნეულში ქალი დააკავეს