2019-04-10 13:30:00, 2045 ნახვა
რეგიონი
ოკუპირებული ცხინვალი ინტერნეტის გარეშე დარჩა
ოკუპირებული ცხინვალის რეგიონს ინტერნეტი არ მიეწოდება - ამის შესახებ ინფორმაციას "სპუტნიკ ოსეტია" იუწყება.
მედია საშუალების ინფორმაციით, მიზეზი ინტერნეტის ოპტიკურ-ბოჭკოვანი კაბელის დაზიანებაა, თუმცა სპეციალისტებმა ავარიის ადგილს, ჯერ-ჯერობით, ვერ მიაგნეს.
ოკუპირებული ცხინვალის რეგიონს ინტერნეტით „გაზპრომის“ შვილობილი კომპანია „გაზპრომ ტელეკომი“ უზრუნველყოფს. კომპანიის წარმომადგენელი Spunik Ossetia-სთან საუბრისას აცხადებს, რომ ავარიის ადგილის დადგენისთანავე ხარვეზი აღმოიფხვრება, ხოლო ჯერ-ჯერობით რეგიონი სარეზერვო ხაზზე მუშაობს.
ავტორი: ექსპრესნიუსი,
epn.ge (@expressnews.ge)
