Facebook-ის მომხმარებლების პერსონალური ინფორმაცია ისევ გასაჯაროვდა, - ამის შესახებ BBC იუწყება. 

მედია საშუალების ინფორმაციით, სოციალური ქსელის მილიონობით მომხმარებელის მონაცემები Amazon-ის საჯარო სერვერებზე აღმოაჩინეს. აღსანიშნავია, რომ 540 მილიონზე მეტი მომხმარებლის პირადი მონაცემები Amazon-ის სერვერებზე ერთი თვის განმავლობაში იყო განთავსებული. 

მედიის ცნობით, მომხდარს Facebook-ის წარმომადგენელი უკვე გამოეხმაურა და აღნიშნა, რომ პირადი მონაცემები Amazon-ის სერვერებიდან უკვე წაშალეს. 

BBC იტყობინება, რომ სერვერებზე მომხმარებელთა ორი განსხვავებული ჯგუფის პერსონალური ინფორმაცია განთავსდა. პირველი დაკავშირებულია მექსიკურ მედია კომპანისთან Cultura Colectiva-სთან. საუბარია ისეთი სახის მონაცემებზე, როგორიცაა, მომხმარებლის კომენტარებზე, სახელებზე, მოწონებებზე და აგრეთვე Facebook-ის მისამართებზე. რაც შეეხება მეორე ჯგუფს, ის Facebook-ის ერთ-ერთ აპლიკაციას უკავშირდება, რომელმაც სერვერებზე შიფრის გარეშე 22 ათასი მომხმარებლის პაროლები განათავსა.

ცნობისთვის, პერსონალური მონაცემბის დაცვასთან Facebook-ს პრობლემები არა ერთხელ შექმნია. სოცქსელმა გასულ თვეს შიდა სისტემაშიც აღმოაჩინა ხარვეზი, რომელიც თანამშრომლებს მომხმარებლების ანგარიშების მილიონობით მომხმარებელზე წვდომას აძლევდა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს

რუსეთის ირკუტსკისრეგიონში ჭირის ინფექციის გამო საავადმყოფოში თითქმის 200 ადამიანია მოთავსებული

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა