ტყვიავის საზოგადოებრივ ცენტრში ინგლისური ენის შემსწავლელი კლუბის ფინალური ეტაპი ჩატარდა.

ბრიტანეთის საბჭო დიდი ბრიტანეთის და ჩრდილოეთ ირლანდიის გაერთიანებული სამეფოს მთავრობის კონფლიქტების, სტაბილურობისა და უსაფრთხოების ფონდის ფინანსური მხარდაჭერით ახორციელებს პროექტს „ინგლისური ენა თემისთვის“, რომლის ფარგლებშიც 29 მარტს სოფელ ტყვიავის საზოგადოებრივ ცენტრში ფინალური ღონისძიება გაიმართა, დაჯილდოვდნენ კონკურსის „ცხოვრება კონფლიქტების გარეშე“ გამარჯვებულები.

პროექტის მიმდინარეობისას ბავშვებს შესაძლებლობა ჰქონდათ, ემსჯელათ თავიანთი თემის ცხოვრების საჭირბოროტო საკითხებზე. კონკურსის ფარგლებში მოსწავლეებმა მოამზადეს მოხსენებები ინგლისურ ენაზე. დაჯილდოების ღონისძიებაზე მოწვეულმა თემის წარმომადგენლებმა მოისმინეს ბავშვების შეხედულებები კონფლიქტის თემაზე და მათი მისწრაფებები. კონკურსის ყველა ფინალისტი დაჯილდოვდა სერტიფიკატით, გამარჯვებულ 5 მოსწავლეს კი ფასიანი საჩუქრები გადაეცათ. პირველ ადგილზე გასულ ბავშვს მასწავლებელთან ერთად ნოუთბუქი გადასცეს, მომდევნო ოთხ ადგილზე გასულ სკოლის მოსწავლეებსა და მასწავლებლებს კი - პლანშეტები.

საუკეთესო მოსწავლეები და მათი მასწავლებლები სახელმწიფო სერვისების განვითარების სააგენტოს თავმჯდომარემ სოსო გიორგაძემ, საზოგადოებრივი ცენტრების პროექტის მენეჯერმა მარიამ ძაგნიძემ და „ბრიტანეთის საბჭო საქართველოში“ ორგანიზაციის დირექტორმა ზაზა ფურცელაძემ დააჯილდოვეს.

ინგლისური ენის შემსწავლელი კურსი ტყვიავში 2018 წლის 13 დეკემბერს დაიწყო. კურსის ფარგლებში რუხის და ტყვიავის საზოგადოებრივ ცენტრებში ენა 300-ზე მეტმა მოსწავლემ შეისწავლა და 25 მასწავლებელი გადამზადდა.

იუსტიციის სამინისტროს მიზანია, კონფლიქტის ზონის სოფლებში ინგლისური ენის სწავლება ბრიტანეთის საბჭოს დახმარებით ხელმისაწვდომი გახადოს და ადგილობრივი თემი გააძლიეროს. ბრიტანეთის საბჭომ საქართველოს იუსტიციის სამინისტროსთან ერთად, განათლების, მეცნიერების, კულტურისა და სპორტის სამინისტროს პარტნიორობით, ინგლისური ენის შემსწავლელი კლუბები გასულ წელს მთელი ქვეყნის მასშტაბით 6 საზოგადოებრივ ცენტრში: ორსანტიის, ჩაქვის, დიდი ჯიხაიშის, წალკის, ვალესა და კაბალის საზოგადოებრივ ცენტრებში გახსნა.

(NS)

ავტორი: ექსპრესნიუსი,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები