შინაგან საქმეთა სამინისტროს ბიუჯეტი 15 მილიონი ლარით შეუმცირდა. 

ამის შესახებ შინაგან საქმეთა მინისტრმა ვახტანგ გომელაურმა ჟურნალისტებს განუცხადა.

„15 მილიონზეა საუბარი. იყო უფრო მეტ თანხებზე საუბარი, მაგრამ იქიდან გამომდინარე, რომ იყოფა შინაგან საქმეთა სამინისტრო, რაღაც ხარჯები დასჭირდება-მოგეხსენებათ უნდა შეიქმნას  მეორე სამხსახური, უსაფრთხოების სამსახურში იგივე კადრებია საჭირო და ა.შ. აქედან გამომდინარე, სჭირდება ამას თანხები. ავიაციას ყველაზე დიდი თანხები სჭირდება. შემცირებით თანხები შემცირდება. იყო საუბარი საწვავზე, სხვადასხვა მიმართულებით,  რასაც შევძლებთ შევამცირებთ. წარმომადგენლობით ხარჯზე იყო საუბარი, მივლინების ხარჯებზე“,-განაცხადა ვახტანგ გომელაურმა.

მთავრობის დღევანდელ სხდომაზე ფინანსთა მინისტრმა კორექტირებული ბიუჯეტის საბოლოო ვარიანტი წარადგინა.

ბიუჯეტი, მიმდინარე ხარჯების მიმართულებით, დაახლოებით 140 მილიონი ლარით მცირდება, თუმცა ეს კაპიტალურ და სოციალურ ხარჯებს არ შეეხება. თანხის დიდი ნაწილი მიმართული იქნება კაპიტალური პროექტების განხორციელებისთვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება

არასრულწლოვანი შვილიშვილი აიძულა, ცოლად გაჰყოლოდა თანასოფლელს - მარნეულში ქალი დააკავეს