2019-03-27 14:12:09, 1468 ნახვა

---

კილაძე: კიბერდანაშაული მთელს მსოფლიოში რთულად გამოსაძიებელია, ამიტომ ე.წ. დამკვეთებამდე გასვლა დროში გაიწელა

„კიბერდანაშაული ზოგადად არა მარტო ჩვენს ქვეყანაში, არამედ მთელს მსოფლიოში არის რთულად გამოსაძიებელი საქმე“, - ასე გამოეხმაურა ადამიანის უფლებათა დაცვის კომიტეტის თავჯდომარე სოფო კილაძე ინტერნეტსივრცეში დეპუტატ ეკა ბესელიას პირადი ცხოვრების ამსახველი კადრების მორიგ გავრცელებას.

მისი თქმით, კარგი იქნება, თუ ამ საქმის გამოძიებაში უცხოელი სპეციალესტებიც ჩაერთვებიან.

„კიბერდანაშაული ზოგადად არა მარტო ჩვენს ქვეყანაში, არამედ მთელს მსოფლიოში არის რთულად გამოსაძიებელი საქმე. აქედან გამომდინარე, ვფიქრობ ამიტომ გაიწელა დროში ე.წ. დამკვეთებამდე გასვლა. ძალიან რთულად გამოსაძიებელია. ასეთი ტიპის საკითხებთან თეორიის დონეზე  მეც მქონია შეხება  და ეს არის ურთულესი საკითხია. კარგი იქნება, თუ ამ საქმეში ჩვენი უცხოელი პარტნიორები ჩაერთვებიან“, - განაცხადა კილაძემ.

ცნობისთვის, დეპუტატის პირადი ცხოვრების ამსახველი კადრები ინტერნეტსივრცეში ისევ გავრცელდა. შინაგან საქმეთა მინისტრის მოადგილის ნათია მეზვრიშვილის განცხადებით, მომხდართან დაკავშირებით მოზარდია დაკავებული. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი