შუახევის მერის ფრიდონ ფუტკარაძის უშუალო დავალებით,  მუნიციპალიტეტში აქტიური კონტროლი მიმდინარეობს  გასულ წლებში განხორციელებულ ინფრასტრუქტურულ პროექტებზე, რაც მიზნად ისახავს საგარანტიო პერიოდის გამოყენებით წარმოშობილი ხარვეზებისა და დაზიანებების  აღმოფხვრას.

მონიტორინგის მიზნით, დღეს შუახევის მერის მოადგილე ომარ ტაკიძე, კომისიის წევრებთან ერთად, დღვანის წყალსადენზე იმყოფებოდა, სადაც საფილტრი დანადგარები გასულ წელს შპს ,, ეკო ლაინმა“ მოაწყო და ჩამხჩობი ჭების დამონტაჟების შემდეგ, მისი ქსელში ჩართვის ვალდებულებაც  სამუშაოების მწარმოებელს ხელშეკრულების შესაბამსად გააჩნია.

 დღეის მდგომარეობით  სამი გამწმენდი ნაგებობიდან უკვე ჩართულია  ერთი, ხაბელაშვილები - ხიჭაურის წყალსადენზე,ხოლო დარჩენილ ორის ჩართვასთან დაკავშირებით შემსრულებელ კომპანიას მიეცა გაფრთხილება, რომ თუ  გონივრულ   ვადაში არ  გამართავს დღვანისა და ღომის მაგისტრალზე საფილტრ დანადგარებს მის მისამართით განხორციელდება კანონმდებლობის შესაბამისი ღონისძიებები.

ასევე წერილი გაეგზავნა და გონივრული ვადა მიეცა დაზიანებების აღმოსაფხვრელად შპს ,,ალსოფს“, რომელმაც წყალსაყრის ადმინისტრაციული სახლი ააშენა.

მონიტორინგი უწყვეტ რეჟიმში გაგრძელდება და შემოწმდება ყველა ის პროექტი, რომლებსაც ხელშეკრულებით გათვალისწინებული საგარანტიო პერიოდი არ გასვლია.

პარალელურად მერია, ყველა  სამშენებლო პროცესს  გაუწევს კონტროლს. ყურადღება  გამახვილდება პროექტების განხორციელების ვადებსა და სამუშაოების ხარისხიანად შესრულების აუცილებლობაზე.

(NS)

ავტორი: ექსპრესნიუსი,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები