ჩინეთში, ქიმიურ ქარხანაში აფეთქება მოხდა, რის შედეგადაც სულ მცირე 47 ადამიანი დაიღუპა, - ამის შესახებ "რია ნოვოსტი" იუწყება. 

მედია საშუალების ინფორმაციით, მომხდარი აფეთქების შედეგად სულ 640 ადამიანი დაშავდა, აქედან 90 მოქალაქის მდგომარეობა მძიმეა, ხოლო 38 პირის მდგომარეობა კრიტიკულად მძიმეა, ამიტომ დაღუპულთა რიცხვი შესაძლოა გაიზარდოს. 

მედიის ცნობით, აფეთქება ქარხანაში ღამის 2 საათზე მოხდა. ადგილზე სახანძრო-სამაშველო ჯგუფები მუშაობდნენ. ამ ეტაპზე მეხანძრეებმა აფეთქების შედეგად გამოწვეული ხანძრის ჩაქრობა შეძლეს, თუმცა სამაშველო ღონისძიებები ამ დრომდე მიმდინარეობს. 

სეისმიურმა სამსახურმა აფეთქების დროს 2.2. მაგნიტუდის სიმძლავრის მიწისძვრა დააფიქსირეს. ჯერჯერობით უცნობია თუ რა გახდა აფეთქების გამომწვევი მიზეზი. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს

რუსეთის ირკუტსკისრეგიონში ჭირის ინფექციის გამო საავადმყოფოში თითქმის 200 ადამიანია მოთავსებული

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა