შუახევის მუნიციპალიტეტში ,,სოფლის მხარდაჭერის პროგრამის“ ფარგლებში განსახორციელებელი პროექტების შერჩევის მიზნით, ადმინისტრაციული ერთეულების სოფლებში მოსახლეობასთან შეხვედრები დაიწყო.

პირველი შეხვედრა დაბის ადმინისტრაციული ერთეულის სოფლების დროს, ოქროპილაურის და გუნდაურის მოსახლეობასთან გაიმართა.

მოსახლეობასთან გამართულ შეხვედრებს შუახევის მერი ფრიდონ ფუტკარაძე, საკრებულოს თავმჯდომარე გიორგი დავითაძე, საკრებულოს წევრი ზაზა დავითაძე, მერიის ჯანმრთელობისა და სოციალური დაცვის სამსახურის უფროსი ზაზა ზოიძე და მერის წარმომადგენელი დაბის ადმინისტრაციულ ერთეულში გია დავითაძე ესწრებოდნენ.

შუახევის მერმა ფრიდონ ფუტკარაძემ მოსახლეობას, სოფლის მხარდაჭერის პროგრამის დეტალები, პრიორიტეტები და თანხის განაწილების პრინციპები გააცნო, რის შემდეგ ადგილობრივებმა მათთვის პრობლემური საკითხები განიხილეს და ძირითადი პრიორიტეტები დაასახელეს. კენჭისყრის შედეგად სოფელ დროში ორი მნიშვნელოვანი საკითხი დასახელდა: სასმელი წყლის რეაბილიტაცია და გარე განათების ქსელის მოწყობა; სოფელი ოქროპილაური - საცალფეხო ბილიკის მოწყობა; სოფელი გუნდაური - სანიაღვრე არხის მოწყობა; გარე განათების ქსელის მოწყობა.

დღესვე ,,სოფლის მხარდაჭერის პროგრამის“ ფარგლებში მოსახლეობასთან შეხვედრები გაიმართება დაბის ადმინისტრაციული ერთეულის 5 სოფელში და ზამლეთის ადმინისტრაციული ერთეულის სოფლებში.

(NS)

ავტორი: ,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები