ბათუმის მწერალთა სახლში წიგნის - აფხაზური ,,დედა ენა" პრეზენტაცია გაიმართა.

აჭარისა მთავრობის თავმჯდომარე პრეზენტაციას აფხაზეთის ავტონომიური რესპუბლიკის მთავრობის წარმომადგენლებთან ერთად დაესწრო. თორნიკე რიჟვაძემ ისაუბრა ქართულ - აფხაზური ურთიერთობების მნიშვნელობაზე და აღნიშნა, რომ აჭარაში მცხოვრები აფხაზების მხარდაჭერის მიზნით არაერთი პროგრამა ხორციელდება.

,,აფხაზური ენის განმტკიცება და გადარჩენა არის აფხაზებსა და ქართველებს შორის ურთიერთობების აღდგენისა და გამყარების წინაპირობა. აფხაზებს და ქართველებს მხოლოდ ერთი შემაფერხებელი ფაქტორი უშლის ხელს და ეს არის რუსული ოკუპაცია. ერთობლივი ძალისხმევით ჩვენ შევძლებთ გაერთიანებულ ქვეყანაში ცხოვრებას",- აღნიშნა თორნიკე რიჟვაძემ.

პროექტი ,,აფხაზური ენა დამწყებთათვის"  აფხაზეთის განათლების, კულტურისა და სპორტის სამინისტროს ორგანიზებით განხორციელდა.  პროექტის ფარგლებში, აჭარაში მცხოვრებ აფხაზებს წიგნები გადაეცათ. წიგნი წარმოადგენს დამხმარე სახელმძღვანელოს აფხაზური ენის შესწავლის მსურველთათვის. მასში მოცემული გაკვეთილებისა და თემების განხილვა დაეხმარება მკითხველს შეისწავლოს წერა-კითხვა აფხაზურ ენაზე, გაეცნოს ხშირად გამოყენებად სიტყვებსა და ფრაზებს, შეიძინოს დიალოგის წარმართვისთვის აუცილებელი ლექსიკური მარაგი.

საღამოზე აფხაზური ენის დაცვისა და განვითარების მნიშვნელობაზე, საქართველოს ხელისუფლების მიერ გატარებულ ღონისძიებებსა და სპეციალურ პროგრამებზე ისაუბრა აფხაზეთის მთავრობის თავმჯდომარის მოვალეობის შემსრულებელმა ვახტანგ ყოლბაიამ.

ღონისძიებას აჭარისა და აფხაზეთის მთავრობების წევრები, აჭარაში მცხოვრები აფხაზები და საზოგადოების წარმომადგენლები ესწრებოდნენ.

(NS)

ავტორი: ,

სოციალური ქსელები

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა