აჭარის ტურისტულ შესაძლებლობებს მსოფლიოში უმსხვილეს ტურისტულ გამოფენაზე „ITB BERLIN 2019“ ეცნობიან.

რეგიონს გამოფენაზე აჭარის ტურიზმის დეპარტამენტი  საქართველოს ტურიზმის ეროვნული ადმინისტრაციისა და ტურისტული კომპანიების წარმომადგენლებთან ერთად წარადგენს. გამოფენას ესწრებიან აჭარის ტურიზმის დეპარტამენტის თავმჯდომარე სულხან ღლონტი და ტურიზმის ეროვნული ადმინისტრაციის ხელმძღვანელი მარიამ ქვრივიშვილი, რომლებმაც საქართველოს სტენდთან  გაეროს მსოფლიო ტურიზმის ორგანიზაციის გენერალურ მდივან ზურაბ პოლოლიკაშვილს, ბერლინის მერსა და გერმანიის ეკონომიკის მინისტრის მოადგილეს უმასპინძლეს.

ტურიზმის ინდუსტრიაში ერთ-ერთ ყველაზე მასშტაბურ გამოფენა-ბაზრობაზე 186 ქვეყნიდან 10 ათასი კომპანია არის წარმოდგენილი. გამოფენას დაახლოებით 170 ათასი სტუმარი ჰყავს.

„მსგავსი ტიპის მასშტაბურ ტურისტულ გამოფენებში მონაწილეობა განსაკუთრებით მნიშვნელოვანია ჩვენი ქვეყნის პოპულარიზაციისთვის. ტურისტული ბიზნესის ყველა მნიშვნელოვანი მოთამაშე დღეს ამ გამოფენაზეა წარმოდგენილი, რაც ბუნებრივია საუკეთესო საშუალებაა საქმიანი ურთიერთობების დასამყარებლად. გერმანია ჩვენთვის ახალი ტურისტული ბაზარია, სადაც სარეკლამო კამპანიებს ორი წელია ვანხორციელებთ. ვიყენებთ ისეთ მსხვილ და საერთაშორისო მედიაპლატფორმებს, როგორებიცაა Deutsche Welle, RTL  და N-TV. გამოფენის ფარგლებში ჩვენ არაერთ მნიშვნელოვან შეხვედრას ვმართავთ  ტურისტული და სარეკლამო კომპანიების, მედიის წარმომადგენლებთან, რომლის შედეგიც  რეგიონში გერმანელი ტურისტების რაოდენობისა და აჭარის შესახებ ცნობადობის გაზრდა იქნება”, - განაცხადა აჭარის ტურიზმის დეპარტამენტის თავმჯდომარე სულხან ღლონტმა.

(NS)

ავტორი: ,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები