თბილისში, ფონდი აურესის და შპს კინდსმენას ორგანიზებით, ჩატარდა საერთაშორისო კონფერენცია „სმენის დაზიანება - გლობალური გამოწვევა და სახელმწიფოების როლი“.

კონფერენციას აჭარის ჯანმრთელობისა და სოციალური დაცვის მინისტრის მოადგილე ზურაბ თენიეშვილი დაესწრო და იმ პროგრამებზე ისაუბრა, რომელსაც აჭარის ჯანდაცვის სამინისტრო სმედაქვეითებულ და სმენაპროთეზირებულ მოქალაქეთა კუთხით ახორციელებს:

სმენადაქვეითებულ მოქალაქეთა სმენის აპარატებით უზრუნველყოფა;

სმენაპროთეზირებულ ბავშვთა აბილიტაცია/რეაბილიტაცია.

კონფერენცია ჯანმრთელობის მსოფლიო ორგანიზაციის 2019 წლის სმენის მსოფლიო დღის ფარგლებში გაიმართა. ღონისძიება მიზნად ისახავდა გადაწყვეტილების მიმღები პირებისა და საზოგადოების ყურადღების მიპყრობა სმენის დაზიანების პრევენციის, ადრეული გამოვლენისა და მართვის მნიშვნელობაზე, სამომავლოდ, ქვეყანაში სმენის დაზიანების მართვის სტანდარტების დასანერგად.

კონფერენციის მხარდამჭერები: შპს კინდსმენა, (სმენის დაქვეითების მქონე პაციენტების დიაგნოსტირებისა და მათი ტექნიკური საშუალებებით უზრუნველყოფის ერთ-ერთი წამყვანი კომპანია Kind Hörgerete-ს შვილობილი კომპანია საქართველოში) კოხლეარული იმპლანტის მწარმოებელი კომპანიები Med-El-ი და Cochlear, თბილისის მუნიციპალიტეტის მერია, კონფერენციაში მონაწილეობდნენ საქართველოს ოკუპირებულ ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, საქართველოს განათლების, მეცნიერების, კულტურისა და სპორტის სამინისტროს, საქართველოს პარლამენტის, თბილისის მერიის წარმომადგენლები.

(NS)

ავტორი: ,

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა