კოალიციის "დამოუკიდებელი და გამჭვირვალე მართმსჯულებისთვის" წარმომადგენელი გიორგი მშვენიერაძე პარლამენტის თავმჯდომარის ირაკლი კობახიძის მიერ წარმოდგენილ კანონპროექტს, რომელიც მოსამართლეების შერჩევის კრიტერიუმების შეეხება, ნეგატიურად აფასებს. 

როგორც მშვენიერაძე Facebook-ის საკუთარ გვერდზე წერს, ეს კანონპროექტი სასამართლოში არსებულ "კლანს" აძლევს შესაძლებლობას უზენაეს სასამართლოში მათთვის სასურველი კანდიდატი წარადგინონ. 

"ბატონ ირაკლი კობახიძის მიერ გუშინ წარმოდგენილი კანონპროექტის სამუშაო ვერსია და მასში მხარდაჭერილი დებულებები, სასამართლოში გაბატონებულ კლანს აძლევს სრულ შესაძლებლობას, უზენაეს სასამართლოში წარადგინოს ნებისმიერი მათთვის სასურველი კანდიდატი. კოალიციამ "დამოუკიდებელი და გამჭვირვალე  მართლმსაჯულებისთვის" ყველაფერი ვეცადეთ ვყოფილიყავთი კონსტრუქციული და პრინციპულები და დაგვეცვა ის იდეები, რომელთა დიდი უმრავლესობას მხარს უჭერდნენ ყველა, გარდა კლანისა და ბატონი თავმჯდომარისა. როგორც გუშინ საბოლოოდ გაცხადდა, ეს ფორმატი მიზნად ისახავს ბატონი გიორგი მიქაუტაძის მიერ ლეპტოპზე დადებული უზენაესი სასამართლოს მოსამართლეთა სიის ამობრუნების პროცედურისთვის წესების გაწერას და არა თავად ამ სიის ფორმირებისთვის ჯანსაღი პროცესის შექმნას. ამიტომაც კოალიციამ (და არა პერსონალურად გიორგი მშვენიერაძემ) აზრი ვეღარ დაინახა ამ პროცესის მონაწილედ დარჩენილიყო. რაც შეეხება პარლამენტის თავმჯდომარის მიერ დღეს გაკეთებულ განცხადებას, მან არ უპასუხა არცერთ იმ კრიტიკულ კითხვას, რაც არსებითია უზენაესი სასამართლოს მოსამართლეთა შერჩევის პროცესისთვის და ყურადღების გადატანას ცდილობს სრულიად სხვა, თემასთან კავშირში არმყოფ საკითხებზე, რითაც სურვილი აქვს დისკუსიის საგანი შეცვალოს. უკვე მივეჩვიეთ, რომ ყველა, ვინც მას არ ეთანხმება არის ნაცი. მისი გერმანიაში 5-ებზე ნასწავლი კონსტიტუციური სამართლის რკინის ლოგიკით, ბოლო პერიოდში ნაციონალები ასევე აღმოჩნდნენ ეკა ბესელია და ლევან გოგიჩაიშვილიც", - წერს გიორგი მშვენიერაძე. 

ავტორი: ,

სოციალური ქსელები

დღეს საკრებულოს შუალედური არჩევნები იმართება, ხმის მიცემა დაიწყო

უკრაინაში მყოფმა დასავლელმა დიპლომატებმა საელჩოების კიევიდან ლვოვში გადატანის საკითხის განხილვა დაიწყეს

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს