საქართველოს თავდაცვის მინისტრი თინა ხიდაშელი  ე.წ. კაბელების საქმეზე დაკავებული თავდაცვის 5 ყოფილი მაღალჩინოსნის მიმართ  პატიმრობის  გირაოთი შეცვლის თაობაზე, პროკურატურის შუამდგომლობას მიესალმება.

ხიდაშელის თქმით,  როცა პარლამენტის წევრი იყო, ე.წ. კაბელების საქმეზე  ბრალდებულების თავდებით გათავისუფლების შუამდგომლობას ხელი თავადაც მოაწერა.

"თუ ეს სიმართლეა, მივესალმები, თქვენ იცით, რომ ჩემი ხელმოწერა არის ორივე შუამდლომლობაზე მაშინ, როგორც პალრლამენტის წევრის ამ ადამიანების თავდებით გათავისუფლებაზე. მე იურისტთა იმ ჯგუფს ვეკუთვნი,  რომლებიც ვერ ხედავენ ღირებულებას ადამიანის პატიმრობაში, თუ კი არ არის ჩადენილი ძალადობრივი დანაშაული. ამიტომ, ყველა ასეთ ქმედებას მივესალმები", - აღნიშნა თინა ხიდაშელმა.

ცნობისთვის, საქართველოს მთავარმა პროკურატურამ შუამდგომლობით მიმართა თბილისის საქალაქო სასამართლოს, რომლითაც მოითხოვა განსაკუთრებით დიდი ოდენობით საბიუჯეტო თანხების გაფლანგვის საქმეზე დაკავებული საქართველოს თავდაცვის სამინისტროს ყოფილი თანამდებობის პირების: ნუგზარ კაიშაურის, გიზო ღლონტის, დავით წიფურიას, გიორგი ლობჟანიძის, არჩილ ალავიძის მიმართ გამოყენებული პატიმრობის გაუქმება და აღკვეთის ღონისძიების სახით არასაპატიმრო აღკვეთის ღონისძიების გირაოს შეფარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა