მაკდონალდსი საქართველოში ზუსტად 20 წელია რაც ოპერირებს. ამ დროისთვის, კომპანია საქართველოს 5 ქალაქში 14 რესტორანს და კავკასიის მასშტაბით უმაღლესი სტანდარტების მქონე სადისტრიბუციო ცენტრს აერთიანებს.

მაკდონალდსი ქართულ ბაზარზე ყველაზე დიდი ბრენდია და ფინანსური მაჩვენებლების მიხედვით, მთლიან HoReCa სეგმენტში რამდენიმე წელია პირველ პოზიციას არ თმობს.

მაკდონალდსმა 20 წლის განმავლობაში მნიშვნელოვანი როლი შეასრულა საქართველოს ეკონომიკის განვითარებასა და დასაქმებაში. 1999-2018 წლის პერიოდში საბიუჯეტო გადახდებმა 89,922,448 ლარი შეადგინა, მხოლოდ 2018 წელს -16,409,022 ლარი , 2017 წელს კი 12,031,000 ლარი, რაც თითქმის 5-ჯერ აღემატება ისეთი მოთამაშეების საშუალო გადახდას როგორიცაა Radisson, Sheraton, Rooms, Holiday inn, M – group, Wendy’s, ICR და სხვა.

მაკდონალდსი ასევე ლიდერია ახალგაზრდების დასაქმების სფეროში - დღეისთვის კომპანიაში 1000-ზე მეტი ახალგაზრდაა დასაქმებული, რომელთა საშუალო ასაკი 20-22 წელია. 2017 წელს კომპანიის მიერ გაცემული ხელფასები დაახლოებით 4-ჯერ აღემატება პირდაპირი კონკურენტის, ხოლო 2-ჯერ  HoReCa სეგმენტის ტოპ-კომპანიების საშუალო  სახელფასო დანახარჯებს.

მაკდონალდსის მიერ 5 ქალაქში გაკეთებულმა ინვესტიციებმა გახსნის დღიდან დღემდე - 73,801,532 ლარი შეადგინა, 2018 წელს  კი მხოლოდ 2,253,270 ლარი. ამავე წელს კომპანიის ბრუნვამ 79,426,570 ლარი  შეადგინა.

აღსანიშნავია, რომ მიუხედავად უკანასკნელი 5 წლის განმავლობაში სწრაფი კვების ბაზარზე მზარდი კონკრენციისა, მაკდონალდსმა თითოეული წელი ფინანსური მოგებით და შემოსავლების დადებითმაჩვენებლიანი ზრდით დაკეტა.

სულ მალე, მაკდონალდსი რიგით მე-15 რესტორანს ვაკეში, არაყიშვილის ქუჩაზე გახნის და მომხმარებელს ყავის და დესერტის უდიდეს ბრენდს - „მაკკაფეს“ გააცნობს.

მაკდონალდს საქართველოს სამომავლო განვითარებისთვის EBRD -ის მიერ 20 მილიონი ევროა გამოყოფილი. რაც შეეხება კონკრეტულ გეგმას, კომპანია ამჟამად მთავრობის გადაწყვეტილებას ელოდება ადგილების გამოყოფასთან დაკავშირებით და 2 წელიწადში 7 ახალი რესტორნის გახსნას გეგმავს.

(R)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია