მთავრობის განკარგულებით, არჩეული პრეზიდენტის ინაუგურაციის საორგანიზაციო კომისია შეიქმნა

2018-12-06 19:01:01, 3450 ნახვა

პოლიტიკა

საქართველოს მთავრობამ პრეზიდენტის ინაუგურაციის საორგანიზაციო კომისიის შექმნის შესახებ განკარგულება გამოსცა.

კომისიას მთავრობის ადმინისტრაციის უფროსი კახა კახიშვილი უხელმძღვანელებს, მისი მოადგილე კი პრემიერ-მინისტრის აპარატის უფროსი, გიორგი ჭოლაძე იქნება.

რაც შეეხება კომისიის დანარჩენ წევრებს, შემადგენლობა ასე გამოიყურება: მთავრობის ადმინისტრაციის უფროსის მოადგილე - ალექსანდრე დარახველიძე; მთავრობის საპარლამენტო მდივანი - ნათია მიქელაძე; პრემიერ-მინისტრის მრჩეველი რეგიონულ საკითხებში - სოზარ სუბარი; საგარეო საქმეთა მინისტრის მოადგილე - ხათუნა თოთლაძე; საგარეო საქმეთა მინისტრის მოადგილე - მიხეილ ნინუა; შინაგან საქმეთა მინისტრის მოადგილე - ლევან კაკავა; შსს-ს საპატრულო პოლიციის დეპარტამენტის დირექტორი - თეიმურაზ კუპატაძე; ფინანსთა მინისტრის მოადგილე - გიორგი კაკაურიძე; თავდაცვის მინისტრის მოადგილე - ნუკრი გელაშვილი; შეიარაღებული ძალების გენერალური შტაბის უფროსის მოადგილე - შალვა ჯაბახიძე; განათლების, მეცნიერების, კულტურისა და სპორტის მინისტრის მოადგილე - ირინე აბულაძე; რეგიონული განვითარებისა და ინფრასტრუქტურის მინისტრის მოადგილე - ილია ბეგიაშვილი; სახელმწიფო უსაფრთხოების სამსახურის უფროსის მოადგილე - ალექსანდრე ბატიაშვილი; სახელმწიფო დაცვის სპეციალური სამსახურის უფროსი - ანზორ ჩუბინიძე; სახელმწიფო რწმუნებული კახეთის მხარეში - ირაკლი ქადაგიშვილი; საგარეო საქმეთა სამინისტროს დიპლომატიური პროტოკოლის დეპარტამენტის დირექტორი - ზურაბ დარჩიაშვილი; პრემიერ-მინისტრის აპარატის წარმომადგენლები - ბაია ცანავა, მაია თაბაგარი, გიორგი მირცხულავა, გიორგი სალაყაია; მთავრობის ადმინისტრაციის წარმომადგენელი - ირაკლი ჩიქოვანი.

განკარგულების თანახმად, კომისიამ ახალარჩეული პრეზიდენტის ფიცის დადების ცერემონიალის სამოქმედო გეგმა უნდა შეიმუშავოს და დასამტკიცებლად მთავრობას წარუდგინოს.

მთავრობის განკარგულება იხილეთ აქ

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები