ჩეჩნეთის რესპუბლიკის ვიცე-პრემიერსა და ფიზიკური კულტურისა და სპორტის მინისტრს, ახმატ კადიროვს, ჩეჩნეთის რესპუბლიკის გმირის წოდება მიენიჭა. ამის შესახებ რეგიონული მთავრობის თავმჯდომარემ, მაგომედ დაუდოვმა განაცხადა.

დაუდოვმა ახმატ კადიროვს მაღალი სახელმწიფო ჯილდო მიულოცა და აღნიშნა მისი წვლილი რესპუბლიკაში ფიზიკური კულტურისა და სპორტის განვითარებაში.

„რესპუბლიკაში წარმატებით ხორციელდება მნიშვნელოვანი პროექტები, რომლებიც მიზნად ისახავს ახალგაზრდა თაობის განათლებას, რეგიონის სპორტული პოტენციალის გაძლიერებას და მომავალი ჩემპიონების ძლიერი გუნდის შექმნას“, - ხაზი გაუსვა ჩეჩნეთის მთავრობის მეთაურმა.

2026 წლის იანვარში რამზან კადიროვის 20 წლის ვაჟი, ახმატ კადიროვი, ჩეჩნეთის რესპუბლიკის ვიცე-პრემიერ-მინისტრის მოვალეობის შემსრულებლად დაინიშნა. ის ამ თანამდებობაზე მაგომედ დაუდოვმა წარადგინა. ამავდროულად, ეროვნული პოლიტიკის, საგარეო ურთიერთობების, პრესისა და ინფორმაციის მინისტრი, ახმედ დუდაევი, ვიცე-პრემიერ-მინისტრის მოვალეობის შემსრულებლად დაინიშნა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ცესკოს შემაჯამებელი ოქმის გასაჩივრება მხოლოდ კონკრეტული საფუძვლებით მოხდება - კანონპროექტი

საქართველოს ბანკის რიგით 30-ე თანამედროვე ბიბლიოთეკა - იდეათეკა ზესტაფონში გაიხსნა

PSP-მ Beauty of Joseon-ის კორეელი წარმომადგენლების ქართველ მომხმარებლებთან შეხვედრას უმასპინძლა

ზარქუა ოპოზიციის ელჩებთან შეხვედრაზე - აგენტურა საკუთარ პატრონებთან ახალი რჩევების მისაღებად მიდის