უკრაინის პრეზიდენტი პეტრო პოროშენკო ჩრდილოატლანტიკურ ალიანსს მოუწოდებს, აზოვის ზღვაში გემები გაგზავნოს, - ამის შესახებ BBC იუწყება.

როგორც პოროშენკომ აღნიშნა, რუსეთის პრეზიდენტ ვლადიმერ პუტინს აზოვის ზღვის ანექსირება უნდა. მისივე თქმით, ნატო-ს გემები უკრაინას დაეხმარება უსაფრთხოება უზრუნველყოს.  

"ჩვენ ვერ მივუღებთ იმ აგრესია, რომელსაც რუსეთი აწარმოებს. ჯერ იყო ყირიმი, შემდეგ უკრაინის სხვა ნაწილები, ახლა მას აზოვის ზღვის მოპოვება უნდა. რთადერთი ენა, რომელიც პუტინს ესმის, ეს არის ერთიანი დასავლეთი“, - განაცხადა უკრაინის პრეზიდენტმა.

შეგახსენებთ, რომ ქერჩის სრუტეში რუსმა სამხედროებმა უკრაინის სამ სამხედრო კატერს ცეცხლი გაუხსნეს და ხომალდები დაატყვევეს. კიევის ცნობით დაჭრილია ექვსი უკრაინელი სამხედრო. კიევი აცხადებს, რომ ორი ბრონირებული კატერი და ბუქსირი ოდესიდან მარიუპოლში მიცურავდნენ, რის შესახებაც რუსები ინფორმირებული იყვნენ. მოსკოვის მტკიცებით კი, უკრაინელებმა საზღვარი დაარღვიეს. მოგვიანებით, უკრაინის ფლოტის პრეს-ცენტრმა განცხადება გაავრცელა, სადაც ნათქვამია, რომ ბრონირებული საარტილერიო კატერებს - „ბერდიანსკსა" და „ნიკოპოლს", ასევე სარეიდო ბუქსირ "იანი-კაპუს" რუსეთმა ცეცხლი გაუხსნა და დაატყვევა.

ავტორი: ,

სოციალური ქსელები

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს

რუსეთის ირკუტსკისრეგიონში ჭირის ინფექციის გამო საავადმყოფოში თითქმის 200 ადამიანია მოთავსებული

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა