საფრანგეთის საგარეო საქმეთა სამინისტრო საქართველოს ახლად არჩეულ პრეზიდენტს, სალომე ზურაბიშვილს არჩევნებში გამარჯვებას ულოცავს.

უწყება საქართველოს ტერიტორიული მთლიანობისა და სუვერენიტეტისა მხარდაჭერას უდასტურებს და ახალ პრეზიდენტთან თანამშრომლობის მზადყოფნას გამოთქვამს.

„საპრეზიდენტო არჩევნებიდან ზუსტად ერთ თვეში, დამოუკიდბელი კანდიდატი სალომე ზურაბიშვილი არჩეული იქნა საქართველოს პრეზიდენტად.

საფრანგეთი მას ულოცავს გულწრფელად და უსურვებს წარმატებას საკუთარი ფუნქციის განხორციელებაში.

საფრანგეთი მზადაა ქალბატონ ზურაბიშვილთან თანამშრომლობისთვის ჩვენს ორ ქვეყანას შორის არსებული საუკეთესო და უძველესი ურთიერთობების კიდევ უფრო გასაძლიერებლად. ახალ პრეზიდენტს შეუძლია, ჰქონდეს ჩვენი ძლიერი განზრახვის იმედი, გავაგრძელოთ საქმიანობა საერთაშორისოდ აღიარებულ საზღვრებში საქართველოს ტერიტორიული მთლიანობისა და სუვერენიტეტის დასაცავად“, - ნათქვამია საფრანგეთის საგარეო უწყების განცხადებაში.

შეგახსენებთ, საპრეზიდენტო არჩევნების მეორე ტურში, "ქართული ოცნების" მიერ მხარდაჭერილმა პრეზიდენტობის დამოუკიდებელმა კანდიდატმა, სალომე ზურაბიშვილმა გაიმარჯვა. საარჩევნო უბნების 100%-ის მონაცემებით, მან ამომრჩეველთა ხმების 59.52% მიიღო.

ავტორი: ,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს